အမဲသားအရမ်းကြိုက်တဲ့သူတွေဆိုရင်တော့ အမဲသားကြော်ကို ထမင်းဖြူလေးနဲ့တွဲစားရတာ သဘောကျကြမှာပါ။ ဒီလိုတွဲစားတဲ့အခါမှာ အရသာရှိပြီး စားလို့ပိုကောင်းအောင်၊ စားချင်စဖွယ်လေးဖြစ်နေအောင် လွယ်ကူတဲ့နည်းလမ်းနဲ့ အမဲသားကြော်နည်းကို မျှဝေပေးလိုက်ပါတယ်။
အမဲသား – ၂၅၀ ဂရမ်ကို ကုဗတုံးပုံ အတုံးလေးတွေတုံးပြီး ပန်ကန်လုံးထဲထည့်ပါ။
ခရုဆီ – စားပွဲတင်ဇွန်း ၁ ဇွန်း၊ ငံပြာရည် – စားပွဲတင်ဇွန်း တစ်ဝက်၊ ငါးငံပြာရည် – စားပွဲတင်ဇွန်း တစ်ဝက်၊ သကြား – လက်ဖက်ရည်ဇွန်း ၁ ဇွန်း၊ ပဲငံပြာရည် – လက်ဖက်ရည်ဇွန်း ၁ ဇွန်းတို့ကို ထည့်ပြီး သမအောင်နယ်ပါ။
ကြက်သွန်ဖြူ အတက်ကြီး ၁ တက်ကို ခြစ်ပြီး ထည့်ပါ။ ငရုပ်ကောင်းမှုန့် – လက်ဖက်ရည်ဇွန်း တစ်ဝက်ကို ထည့်ပြီး သမအောင်ထပ်နယ်ပါ။
ခရမ်းချဉ်သီး အသေးလေးတွေရှိရင်လည်း ထည့်ပေးပါ။ အသေးမရှိရင် အကြီးကိုပဲ အထဲက အစေ့တွေထုတ်ပြီး အတုံးကြီးကြီးလေးတွေ လှီးထည့်ပါ။
ဒယ်အိုးထဲကို ဆီ နည်းနည်းထည့်ပြီး အမဲသားတွေ ထည့်ကြော်ပါမယ်။ ကြော်တဲ့အခါမှာ ဒယ်အိုးကို Shake လုပ်လုပ်ပြီး (လှုပ်ပြီး) ကြော်ပေးပါ။
အမဲသားရလောက်ပြီဆိုရင် ခရမ်းချဉ်သီးတွေ ထည့်ပါ။ နူးပြီဆိုရင် ခူးထုတ်ပါမယ်။
အမဲသားကြော်တာ နူးပြီဆိုရင်တော့ ပန်းကန်ပြားထဲကို ကြော်ထားတဲ့ အမဲသားတွေခူးထည့်ပြီး ထမင်းဖြူလေးနဲ့ တွဲစားလိုက်ရုံပါပဲ။
ထမင်းနဲ့မစားချင်ရင် ပန်းကန်ထဲကို ဆလပ်ရွက်ပဲဖြစ်ဖြစ်၊ ဂေါ်ဖီပဲဖြစ်ဖြစ် ထည့်ပြီး အမဲသားကြော်လေးနဲ့ တွဲစားလို့လည်းရပါသေးတယ်။ ဒါဆိုရင်တော့ အရသာရှိပြီး ကြော်ရတာလွယ်ကူတဲ့ အမဲသားကြော်ကို ရရှိသွားပါပြီ။
Photo Source: www.pailin’skitchen.com
