အားလုံးပဲ မင်္ဂလာပါ။ ပင်လယ်စာကြိုက်နှစ်သက်သူများအတွက် ဒီတစ်ခါမှာတော့ ပုစွန် ချဉ်ငန်စပ်ဟင်းတစ်ခွက် ချက်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ထောပတ် စားပွဲတင်ဇွန်း ၄ ဇွန်း
- ကြက်သွန်ဖြူ ၄ မြွှာ (နုပ်နုပ်စဉ်းထားပါ)
- ပုစွန် အကောင်ကြီး ၁ ပေါင်ခွဲ (အခွံခွာထားပါ)
- ငရုတ်ကောင်းမှုန့် လက်ဖက်ရည်ဇွန်း ၁ ဇွန်း
- ဆား လက်ဖက်ရည်ဇွန်း တစ်ဝက်
- ဝိုင်ဖြူ (သို့) ကြက်ပြုတ်ရည် စားပွဲတင်ဇွန်း ၄ ဇွန်း
- ငရုတ်သီးမှုန့် လက်ဖက်ရည်ဇွန်းတစ်ဝက်
- သံပုယိုရည် စားပွဲတင်ဇွန်း ၂ ဇွန်း
- နံနံပင် အနည်းငယ်
ပြုလုပ်နည်း အဆင့်ဆင့်
၁။ ဒယ်အိုးထဲသို့ ထောပတ် စားပွဲတင်ဇွန်း ၂ ဇွန်းထည့်ပြီး အရည်ဖျော်ထားပါ။ ကြက်သွန်ဖြူထည့်ပြီး အနံ့မွှေးလာသည်အထိ ဆီသတ်ပါ။
၂။ ထို့နောက် ပုစွန်ထည့်ပါ။ ဆားနှင့် ငရုတ်ကောင်းမှုန့်တို့ထည့်ပြီး ၁ မိနစ်၊ ၂ မိနစ်ခန့် ကြော်လိုက်ပါ။ ထို့နောက် အခြားတစ်ဖက်သို့လှန်ကာ နောက်ထပ် ၁ မိနစ်ခန့် ဆက်ကြော်ပါ။
၃။ နောက်တစ်ဆင့်အနေနဲ့ ကြက်ပြုတ်ရည် (သို့) ဝိုင်ဖြူ၊ ငရုတ်သီးမှုန့်ထည့်ပြီး ၁ မိနစ်၊ ၂ မိနစ်ခန့် ဆူပွက်လာအောင် တည်ထားပါ။
၄။ ထို့နောက် ကျန်ရှိနေတဲ့ ထောပတ် စားပွဲတင်ဇွန်း ၂ ဇွန်း၊ သံပုယိုရည်နှင့် နံနံပင်တို့ထည့်ပါ။ သမအောင် မွှေပြီးတဲ့နောက်မှာ အရသာအပေါ့အငန်မြည်းကြည့်လိုက်ပါ။
ပြီးရင်တော့ မီးဖိုပေါ်က ချလိုက်လို့ရပါပြီ။
ဒါဆိုရင်တော့ ချဉ်ငန်စပ်အရသာ ပုစွန်ဟင်းလျာတစ်ခွက် ရရှိသွားပါပြီ။
Source: Cravinghomecooked.com
