အားလုံးပဲ မင်္ဂလာပါ။ ဝက်သားကြော်နည်း အမျိုးမျိုးရှိတဲ့အနက် ဒီတစ်ခါမှာတော့ တရုတ်စတိုင်လ် ဝက်သားကြွပ်ကြော် ကြော်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ဝက်သား ၁၀၀၀ ဂရမ်
- ဆား စားပွဲတင်ဇွန်း တစ်ဝက်
- ဟင်းချက်ဝိုင် စားပွဲတင်ဇွန်း တစ်ဇွန်း
- ငရုတ်ကောင်းစေ့ စားပွဲတင်ဇွန်း ၁ ဇွန်း
- ခရုဆီ စားပွဲတင်ဇွန်း ၁ ဇွန်း
- ကြက်ဥ ၅ လုံး
- ရေ ၁၀၀ မီလီလီတာ
- ပြောင်းမှုန့် ၅၀၀ ဂရမ်
- ဆီ
ပြုလုပ်နည်း အဆင့်ဆင့်
၁။ ပန်းကန်လုံးအကြီးတစ်လုံးထဲတွင် ပြောင်းမှုန့်နှင့် ဆား စားပွဲတင်ဇွန်း တစ်ဝက်တို့ကို သမအောင် ရောမွှေပေးလိုက်ပါ။ ကြက်ဥများကို ဖောက်ထည့်လိုက်ပါ။ ထို့နောက် ရေ ၁၀၀ မီလီလီတာထည့်ပြီး မုန့်နှစ်ရအောင် မွှေပေးလိုက်ပါ။ ထို့နောက် မိနစ် ၃၀ ခန့် ထားထားလိုက်ပါ။
၂။ ဝက်သားကို ၃ စင်တီမီတာပတ်လည် အတုံး တုံးထားကာ ပန်းကန်လုံးအသေးတစ်လုံးထဲထည့်ပြီးနောက် ဆား စားပွဲတင်ဇွန်း ၁ ဇွန်း၊ ဟင်းချက်ဝိုင်၊ ခရုဆီ၊ ငရုတ်ကောင်းမှုန့်၊ ငရုတ်ကောင်းစေ့တို့ဖြင့် သမအောင် နယ်ထားလိုက်ပါ။
ထို့နောက် အဆင့် (၁) က နယ်ထားသော မုန့်နှစ်ဖြင့် ဝက်သားများကို ရောနှောထားလိုက်ပါ။
၃။ ဒယ်အိုးကို အပူပေးပြီး ဆီထည့်ပါ။ ဆီပူလာပါက ဝက်သားများထည့်ကာ ၃ မိနစ်ခန့် ကြော်ပေးလိုက်ပါ။ ဝက်သားများ အားလုံး ကြော်ပြီးပါက ပိုလျှံနေသော ဆီများကို ဖယ်ထုတ်လိုက်ပါ။ (ဒယ်အိုးထဲတွင် ဆီအနည်းငယ်ကိုတော့ ချန်ထားပေးလိုက်ပါ)
၄။ ထို့နောက် ဝက်သားကြော်များ အားလုံးကို ဒယ်အိုးထဲလောင်းထည့်ပြီး စက္ကန့် ၃၀ ခန့် ထပ်ကြော်ပေးလိုက်ပါ။
ဒါဆိုရင်တော့ ဝက်သားကြော်က ကြွပ်ရွသွားပါပြီ။ အရသာရှိတဲ့ ဝက်သားကြွပ်ကြော်ကို မိမိနှစ်သက်ရာ အချဉ်၊ ဆော့စ်တို့ဖြင့် အရသာရှိရှိ သုံးဆောင်နိုင်ပါပြီ။
Source: Chinasichuanfood.com
