ကြက်ဥကြော်၊ ကြက်ဥဟင်းချည်းပဲ စားနေရတာ ငြီးငွေ့လာနေပြီဆိုသူတွေအတွက် ဒီတစ်ခါမှာတော့ ကြက်ဥပေါင်းပြုလုပ်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ကြက်ဥ ၃ လုံး (မွှေခလေက်ထားပါ)
- ကြက်ဥရည်ပမာဏနှင့် ညီမျှသော ကြက်ပြုတ်ရည်နှင့် ရေ
- နှမ်းဆီ စားပွဲတင်ဇွန်း တစ်ဝက်
- ဆားအနည်းငယ်
- ကြက်သွန်မြိတ်အနည်းငယ်
ပြုလုပ်နည်း အဆင့်ဆင့်
၁။ ကြက်ဥ ၃ လုံးကို ပန်းကန်လုံးထဲ ဖောက်ထည့်ပြီးနောက် ဆားအနည်းငယ်ထည့်ကာ ၁ မိနစ်ခန့် မွှေခလောက်ပေးလိုက်ပါ။
၂။ ထို့နောက် ကြက်ပြုတ်ရည်၊ ရေနှင့် မွှေခလောက်ထားသော ကြက်ဥတို့ကို ပန်းကန်လုံးအကြီးတစ်လုံးထဲတွင် ပေါင်းထည့်ကာ နှမ်းဆီ လက်ဖက်ရည်ဇွန်း တစ်ဇွန်းထည့်လိုက်ပါ။ ထို့နောက် သမအောင် မွှေခလောက်ပေးလိုက်ပါ။
၃။ ထိုကြက်ဥအရောအနှောကို အပူဒဏ်ခံနိုင်သော ပန်းကန်လုံးထဲထည့်လိုက်ပါ။ ထို့နောက် ပလပ်စတစ်အိတ်ဖြင့် ပိတ်ပြီးနောက် အပေါက်ငယ်လေးများ ဖောက်ထားလိုက်ပါ။
၄။ ဒယ်အိုးတစ်လုံးထဲသို့ ရေထည့်ပြီး အပူပေးထားပါ။ ထို့နောက် အပေါက်ဖောက်ထားသော ကြက်ဥပန်းကန်ကို ဒယ်အိုးထဲထည့်ထားလိုက်ပြီး ၁၀ မိနစ်ခန့် ပေါင်းထားလိုက်ပါ။
အချိန်ပြည့်တဲ့အခါမှာတော့ အရသာရှိတဲ့ ကြက်ဥပေါင်းလေး ရရှိသွားပါပြီ။
Source: Asianfoodnetwork.com
