အားလုံးပဲ မင်္ဂလာပါ။ ပင်လယ်စာ အစားအစာကြိုက်နှစ်သက်သူများအတွက် ဒီတစ်ခါမှာတော့ ပုစွန်အကြွပ်ကြော် စပ်စပ်လေး ကြော်နည်းကို ဝေမျှပေးချင်ပါတယ်။
ပါဝင်ပစ္စည်းများ
- တရုတ်နံနံ တစ်စည်း
- ပြောင်းမှုန့် စားပွဲတင်ဇွန်း ၂ ဇွန်း
- ငရုတ်သီးတောင့် ၆ တောင့်
- ငရုတ်ကောင်းစေ့ အနည်းငယ်
- တစ်လက်မပတ်လည် ဂျင်းတုံးတစ်တုံး (အချောင်းလိုက် ပါးပါးလှီးထားပါ)
- ပုစွန် ၁ ပေါင်
- ကြက်သွန်ဖြူ ၂ မြွှာ (ပါးပါးလှီးထားပါ)
- ကြက်သွန်မြိတ် ၃ ပင် (ကြက်သွန်မြိတ် အဖြူနှင့် အစိမ်းပိုင်းကို သပ်သပ်စီ ပါးပါးလှီးထားပါ)
- နှမ်းစေ့အနည်းငယ်
- ဟင်းချက်ဆီ ၁၂၅ မီလီလီတာ
- ဆား လက်ဖက်ရည်ဇွန်း တစ်ဝက်
- ဟင်းချက်ဝိုင် စားပွဲတင်ဇွန်း ၁ ဇွန်း
- ဂျင်းပြား ၂ ပြား
- ကြက်သွန်မြိတ် ၁ ပင် (ခပ်ရှည်ရှည် လှီးဖြတ်ထားပါ)
ပြုလုပ်နည်း အဆင့်ဆင့်
၁။ ပုစွန်ကို စင်ကြယ်အောင် ဆေးကြောပြီးတဲ့နောက်မှာ ဟင်းချက်ဝိုင်၊ ဂျင်းပြား၊ အရှည်လိုက်လှီးဖြတ်ထားသော ကြက်သွန်မြိတ်ဖြင့် နယ်ထားပြီးနောက် ၁၀ မိနစ်ခန့် နှပ်ထားလိုက်ပါ။
၂။ ပန်းကန်လုံးအကြီးတစ်လုံးထဲတွင် ပြောင်းမှုန့်ထည့်ပြီးနောက် ပုစွန်ကို ပြောင်းမှုန့်ဖြင့် ကပ်ပေးလိုက်ပါ။
၃။ ဒယ်အိုးကို အပူပေးပြီး ဆီထည့်ပါ။ ဆီပူလာပါက ပုစွန်များ ထည့်ကြော်ပေးလိုက်ပါ။ ပုစွန်များ ကျက်သွားပါက ပန်းကန်ပြားထဲ ဆယ်ထည့်ထားလိုက်ပါ။
၄။ ဒယ်အိုးထဲတွင် ဆီအများအပြား ပိုလျှံနေပါက ဆီများာကို ခပ်ထုတ်လိုက်ပြီး ဆီ စားပွဲတင်ဇွန်း တစ်ဝက်စာခန့်သာ ချန်ထားခဲ့ပါ။ ဂျင်း၊ ကြက်သွန်ဖြူ၊ ငရုတ်သီးတောင့်တို့ထည့်ပြီး အနံ့မွှေးလာသည်အထိ ဆီသတ်ပေးလိုက်ပါ။ ထို့နောက် စောစောကကြော်ထားသော ပုစွန်များကို ဒယ်အိုးထဲထည့်ပြီး သမအောင် မွှေကြော်ပေးလိုက်ပါ။
၅။ တရုတ်နံနံထည့်ကာ တစ်မိနစ်ခန့် ဆက်ကြော်ပေးလိုက်ပါ။
ထိုအဆင့်များ အားလုံးပြီးသွားတဲ့အခါမှာတော့ မီးပိတ်ပြီးနောက် နှမ်းစေ့အနည်းငယ် ဖြူးထည့်ပေးလိုက်ပါ။ ဒါဆိုရင်တော့ အရသာရှိတဲ့ ပုစွန်အကြွပ်ကြော် စပ်စပ်လေး ရရှိသွားပါပြီ။
Source: Chinasichuanfood.com
