ဟင်းအနှစ်စပ်စပ်ကလေးနဲ့ ပုစွန်ထုပ်ဟင်းလျာ ချက်စားကြရအောင်

အားလုံးပဲ မင်္ဂလာပါ။ အနံ့မွှေးမွှေးလေးနဲ့ အရသာစပ်စပ်ကလေးကြိုက်နှစ်သက်သူများအတွက် ပုစွန်ထုပ်ဟင်းလျာ ပြုလုပ်နည်းလေးကို ဝေမျှပေးချင်ပါတယ်။

ပါဝင်ပစ္စည်းများ

ပုစွန်ထုပ် ၆၀၀ ဂရမ်
ဟင်းသီးဟင်းရွက်ဆီ အနည်းငယ်
အုန်းနို့ စားပွဲတင်ဇွန်း ၁၀ ဇွန်း
ရေ အနည်းငယ်
ပုစွန်ခြောက်အနည်းငယ်

Source: Manettas.com.au

ကြက်သွန်နီ ၅ လုံး
ကြက်သွန်ဖြူ ၂ မြွှာ
ငရုတ်သီးအနီအတောင့်ရှည် ၆ တောင့်
စပါးလင် ၂ ချောင်း

ငါးငံပြာရည် လက်ဖက်ရည်ဇွန်း ၁ ဇွန်း
သကြား လက်ဖက်ရည်ဇွန်း ၁ ဇွန်း
ဆား လက်ဖက်ရည်ဇွန်း တစ်ဝက်

ပြုလုပ်နည်းအဆင့်ဆင့်

ပထမဦးစွာ ပုစွန်ထုပ်များကို ဆေးကြောသန့်စင်ထားပါ (အခွံချွတ်ချင်လည်း ရသလို၊ အခွံမချွတ်ချင်ပါက ဒီအတိုင်း ချက်လို့လည်းရပါတယ်)။ ပုစွန်ခြောက်ကိုလည်း ထောင်းထားပါ။ ငရုတ်သီး၊ ကြက်သွန်နီ၊ ကြက်သွန်ဖြူနဲ့ စပါးလင်များကို ပါးပါးလှီးထားပြီး ကြိတ်စက်ထဲထည့်ကြိတ်ကာ အနှစ်ရအောင် ပြုလုပ်ပါ။

ထို့နောက် ပုစွန်ထုပ်များကို ဆီပူပူနဲ့တစ်မိနစ်ခန့် ကြော်လှော်ပြီးနောက် ပန်းကန်ထဲထည့်ထားပါ။ ထိုဒယ်အိုးထဲမှာပဲ ဆီ လက်ဖက်ရည်ဇွန်း ၂ ဇွန်းထည့်ပြီး ပုစွန်ခြောက်ထည့်ကြော်လိုက်ပါ။ ပြီးတဲ့အခါ ပန်းကန်သပ်သပ်ထဲထည့်ကာ ဖယ်ထားလိုက်ပါ။

နောက်တစ်ဆင့်အနေနဲ့ စောစောက ကြိတ်စက်ထဲကြိတ်ထားတဲ့ အနှစ်များကို ဆီ စားပွဲတင်ဇွန်း ၂ ဇွန်းနဲ့ မိနစ်အနည်းငယ်ခန့် ကြော်ပေးလိုက်ပါ။ ထို့နောက် အုန်းနို့နဲ့ ရေတို့ထည့်ပြီး ဟင်းအနှစ်ပျစ်သွားအောင် ပြုလုပ်လိုက်ပါ။