အားလုံးပဲ မင်္ဂလာပါ။ ဒီတစ်ခါမှာ ဝေမျှပေးချင်တဲ့ ဟင်းလျာလေးကတော့ ကြက်သားအစပ်မွှေကြော် ဟင်းလျာလေးပဲဖြစ်ပါတယ်။
ပါဝင်ပစ္စည်းများ
- ကြက်ပေါင် ၂ တုံး (အနေတော် အတုံး တုံးထားပါ)
- ကြက်သွန်နီ ၁ ဥ
- ကြက်သွန်ဖြူ ၂ မြွှာ (ထောင်းထားပါ)
- ဂျင်း ၁၀ ဂရမ် (အခွံခွာပြီး ပါးပါးလှီးထားပါ)
- ငရုတ်ကောင်းစေ့ ၃၀ ဂရမ်
- ငရုတ်ပွ အနီ တစ်တောင့်၊ အစိမ်း တစ်တောင့် (ပါးပါးလှီးထားပါ)
- ခရုဆီ စားပွဲတင်ဇွန်း ၃ ဇွန်း၊ ပဲငံပြာရည်အနှောက် စားပွဲတင်ဇွန်း ၁ ဇွန်းနှင့် ပဲငံပြာရည်အကြည် စားပွဲတင်ဇွန်း ၂ ဇွန်း
- သကြား စားပွဲတင်ဇွန်း ၁ ဇွန်း
- နှမ်းဆီ စားပွဲတင်ဇွန်း ၁ ဇွန်း
- ဟင်းချက်ဝိုင် စားပွဲတင်ဇွန်း ၂ ဇွန်း
- ထောပတ် ၂၀ ဂရမ်
- ပြောင်းမှုန့် စားပွဲတင်ဇွန်း ၁ ဇွန်း
- ရေ စားပွဲတင်ဇွန်း ၂ ဇွန်း
- ဟင်းသီးဟင်းရွက်ဆီ စားပွဲတင်ဇွန်း ၃ ဇွန်း
ပြုလုပ်နည်း အဆင့်ဆင့်
၁။ ဒယ်အိုးကို အပူပေးပြီး ငရုတ်ကောင်းစေ့များကို စက္ကန့် ၃၀ ခန့် လှော်ပေးလိုက်ပါ။ ထို့နောက် ငရုတ်ဆုံ၊ ငရုတ်ကျည်ပွေ့ထဲထည့်ကာ ကြေညှက်အောင် ထောင်းပေးလိုက်ပါ။
၂။ ဒယ်အိုးကို အပူပေးပြီး ဟင်းသီးဟင်းရွက်ဆီ စားပွဲတင်ဇွန်း ၃ ဇွန်းထည့်ပါ။ ဆီပူလာပါက ကြက်သွန်နီ၊ ငရုတ်ပွ အနီ၊ အစိမ်းတို့ထည့်ကာ စက္ကန့် ၃၀ ခန့် မွှေပေးလိုက်ပါ။ ထို့နောက် ကြက်သွန်ဖြူနှင့် ဂျင်းတို့ထည့်ပြီး နောက်ထပ် စက္ကန့် (၃၀) ခန့် ဆီသတ်ပေးလိုက်ပါ။
၃။ ကြက်သားထည့်ကာ သုံးမိနစ်ခန့် ကြော်ပေးလိုက်ပါ။ ထို့နောက် ခရုဆီ စားပွဲတင်ဇွန်း ၃ ဇွန်း၊ ပဲငံပြာရည်အကြည် စားပွဲတင်ဇွန်း ၂ ဇွန်း၊ သကြား စားပွဲတင်ဇွန်း ၁ ဇွန်း၊ နှမ်းဆီ စားပွဲတင်ဇွန်း ၁ ဇွန်း၊ ပဲငံပြာရည်အနောက် စားပွဲတင်ဇွန်း ၁ ဇွန်း၊ ငရုတ်ကောင်းမှုန့်နှင့် ထောပတ်တို့ထည့်ကာ သမအောင် မွှေပေးလိုက်ပါ။
၄။ ပန်းကန်လုံးတစ်လုံးထဲတွင် ပြောင်းမှုန့် စားပွဲတင်ဇွန်း ၁ ဇွန်းနှင့် ရေ စားပွဲတင်ဇွန်း ၂ ဇွန်းတို့ကို သမအောင် ရောမွှေပြီးနောက် ဒယ်အိုးထဲ လောင်းထည့်ကာ ၁ မိနစ်ခန့် မွှေကြော်ပေးလိုက်ပါ။
၅။ ပြောင်းမှုန့်အရည်က ပျစ်သွားပြီဆိုရင်တော့ မီးဖိုပေါ်ကချကာ ပန်းကန်ပြားထဲ ပြောင်းထည့်ထားလိုက်ပါ။
ဒါဆိုရင်တော့ အရသာရှိတဲ့ ကြက်သားအစပ်မွှေကြော်လေး ရရှိသွားပါပြီ။
Source: Asianfoodnetwork.com
