အားလုံးပဲ မင်္ဂလာပါ။ အသီးမှာ သရက် အသားမှာ ဝက်ဆိုတဲ့ စကားလေးအတိုင်းပဲ မြန်မာလူမျိုးတွေရဲ့လျှာပေါ်မှာ အရသာအရှိဆုံးလို့ ယူဆကြတဲ့ ဝက်သားကို ဒီတစ်ခါမှာတော့ ကိုရီးယားစတိုင်လ်လေးဖြစ်သွားအောင် ကင်ချီနဲ့ ကြော်စားကြည့်လိုက်ရအောင်။

ပါဝင်ပစ္စည်းများ

• ဝက်သား ၅၀၀ ဂရမ် (အနေတော်အတုံး တုံးထားပါ)
• ကြက်သွန်နီ တစ်ဥ (ပါးပါးလှီးထားပါ)
• ပါးပါးလှီးထားသော ကြက်သွန်ဖြူ စားပွဲတင်ဇွန်း တစ်ဇွန်း
• ဟင်းသီးဟင်းရွက်ဆီ စားပွဲတင်ဇွန်း နှစ်ဇွန်း
• ငရုတ်ကောင်းမှုန့် လက်ဖက်ရည်ဇွန်း တစ်ဝက်နှင့် သကြား စားပွဲတင်ဇွန်း တစ်ဇွန်း

• ကင်ချီအနည်းငယ်
• ငရုတ်သီး နှစ်တောင့် (ပါးပါးလှီးထားပါ)
• ငရုတ်သီးမှုန့် စားပွဲတင်ဇွန်း သုံးဇွန်း
• ကြက်သွန်မြိတ်တစ်ပင် (ပါးပါးလှီးထားပါ)
• ပဲငံပြာရည်နှင့် ဆန်ဝိုင် စားပွဲတင်ဇွန်းတစ်ဇွန်းစီ

ပြုလုပ်နည်း အဆင့်ဆင့်

၁။ ဒယ်အိုးထဲသို့ ဟင်းသီးဟင်းရွက်ဆီများ ထည့်ကာ ဆီပူလာပါက ကြက်သွန်နီ၊ ကြက်သွန်ဖြူများကို ငါးမိနစ်ခန့် ထည့်ကြော်လိုက်ပါ။

၂။ ဆီနံ့လေး မွှေးလာပါက ဝက်သားထည့်ကြော်လိုက်ပါ။ သကြားထည့်ကာ သမအောင် ထပ်ကြော်ပေးလိုက်ပါ။

၃။ ငရုတ်ကောင်းမှုန့်၊ ပဲငံပြာရည်၊ ဆန်ဝိုင်နှင့် ငရုတ်သီးမှုန့်တို့ထည့်ပြီး ကြော်လိုက်ပါ။ ၃၀ စက္ကန့်ခန့် ကြော်ပြီးနောက်မှာ ကင်ချီထည့်ကြော်လိုက်ပါ။ ငါးမိနစ်ခန့် ကြော်ပြီးနောက်မှာတော့ ဝက်သားက နူးအိသွားပါလိမ့်မယ်။

၄။ ဝက်သားများ နူးအိသွားမှ ငရုတ်သီးလေးများ ထည့်ကာ တစ်မိနစ်ခန့်ကြော်ပေးလိုက်ပါ။ အိုးပေါ်ကချပြီး ပန်းကန်ထဲပြောင်းထည့်တဲ့အချိန်ကျမှ ကြက်သွန်မြိတ်နှင့် ငရုတ်သီးတောင့်များ ထည့်ကာ အလှဆင်ပေးနိုင်ပါတယ်။

Source: Gildedgingerbread.com