(Zawgyi Version)

တို႔ဟူးကို ဒီတိုင္းေၾကာ္စားရတာရိုးပါတယ္။ တစ္ခါတစ္ေလက်ရင္ အသစ္အဆန္းေလးေတြ လုပ္စားရတာက ပိုစားလို႔ေကာင္းပါတယ္။ ဒီတစ္ခါမွာေတာ့ တို႔ဟူးကို အရသာပိုရွိသြားေအာင္ ဟင္းသီးဟင္းရြက္ေတြနဲ႔ ခ်ိဳခ်ဥ္ေၾကာ္လို လုပ္စားလို႔ရမယ့္ နည္းလမ္းကို မွ်ေဝေပးလိုက္ပါတယ္။ အစပ္ႀကိဳက္တဲ့သူေတြအတြက္ အစပ္အရသာေလးလည္း ထည့္လုပ္မွာပါေနာ္။ ဒီမွာသံုးမယ့္တို႔ဟူးကေတာ့ ျမန္မာတို႔ဟူးအဝါေတြြ မဟုတ္ပါဘူးေနာ္။ တို႔ဟူးေနရာမွာ ပဲျပားကို အစားထိုးလို႔လည္းရပါတယ္။

ပထမဆံုးအေနနဲ႔ တို႔ဟူး – ၂ တံုးကို အတံုးေသးေလးေတြ လွီးပါမယ္။ လွီးၿပီးသြားရင္ ပန္းကန္လံုးထဲ ေျပာင္းထည့္ပါ။

တို႔ဟူးထည့္ထားတဲ့ပန္းကန္လံုးထဲကို ေျပာင္းဂ်ံဳ – စားပဲြတင္ဇြန္း ၃ ဇြန္း၊ ငရုပ္ေကာင္းမႈန္႔ (Black Pepper) – လက္ဖက္ရည္ဇြန္း တစ္ဝက္စာနဲ႔ ဆား – အနည္းငယ္ ထည့္ပါ။ တို႔ဟူးက ေပ်ာ့တဲ့အတြက္ လက္နဲ႔နယ္လိုက္ရင္ ပဲ့သြားမွာမို႔ ပန္းကန္းကိုပဲလႈပ္ၿပီး သမေအာင္လုပ္ပါ။ ၿပီးမွ ဇြန္းနဲ႔ ေျဖးေျဖးခ်င္းနယ္လိုက္ပါ။

ဒယ္အိုးထဲကို ဆီ – စားပဲြတင္ဇြန္း ၂ ဇြန္းစာထည့္ပါ။ ၿပီးရင္ နယ္ထားတဲ့ တို႔ဟူးအတံုးေလးေတြကို ထည့္ေၾကာ္ပါ။ အရမ္းကၽြတ္ေနေအာင္ မေၾကာ္ရပါဘူးေနာ္။ ၅ မိနစ္ေလာက္ေၾကာ္ၿပီး အေရာင္ေလးေျပာင္းသြားရင္ ရပါၿပီ။ ေၾကာ္ၿပီးရင္ ပန္းကန္ထဲခူးထုတ္ထားပါ။

ဒယ္အိုးထဲကို ထပ္ၿပီး ဆီ – စားပဲြတင္ဇြန္း ၂ ဇြန္းစာထည့္ပါ။ ႏုတ္ႏုတ္ဆင္းထားတဲ့ဂ်င္း – စားပဲြတင္ဇြန္း ၁ ဇြန္းနဲ႔ ႏုတ္ႏုတ္ဆင္းထားတဲ့ ၾကက္သြန္ျဖဴ – စားပဲြတင္ဇြန္း ၁ ဇြန္းထည့္ၿပီး စကၠန္႔ ၃၀ ေလာက္ေမႊေပးပါ။

လွီးထားတဲ့ၾကက္သြန္ၿမိတ္ – အနည္းငယ္နဲ႔ လွီးထားတဲ့ၾကက္သြန္နီ – အနည္းငယ္ကိုထည့္ၿပီး ေမႊေပးပါ။ လွီးထားတဲ့ ပန္းမုန္လာ (Broccoli) – အနည္းငယ္နဲ႔ လွီးထားတဲ့ ပန္းငရုပ္ – အနည္းငယ္ကိုလည္း ထည့္ေမႊပါ။

ငရုပ္သီးမႈန္႔ – လက္ဖက္ရည္ဇြန္း ၁ ဇြန္း၊ ခရမ္းခ်ဥ္သီး (Ketchup) ေဆာ့စ္ – စားပဲြတင္ဇြန္း ၂ ဇြန္း၊ Chilli ေဆာ့စ္ – စားပဲြတင္ဇြန္း ၁ ဇြန္း၊ ငံျပာရည္ – စားပဲြတင္ဇြန္း ၂ ဇြန္း၊ ရွာလကာရည္ – လက္ဖက္ရည္ဇြန္း ၁ ဇြန္း၊ ပ်ားရည္ – စားပဲြတင္ဇြန္း ၂ ဇြန္းနဲ႔ ဆား – လက္ဖက္ရည္ဇြန္း တစ္ဝက္ ကိုထည့္ၿပီး ေမႊေပးပါ။

ေမႊၿပီးတာနဲ႔ ခုနကေၾကာ္ထားတဲ့ တို႔ဟူးကို ထည့္ေမႊပါ။ ေသခ်ာသမေအာင္ေမႊၿပီးရင္ေတာ့ ၾကက္သြန္ၿမိတ္ကို နည္းနည္းထပ္ထည့္ၿပီး ေမႊေပးပါ။

ခဏေလာက္ေမႊၿပီးတာနဲ႔ ရသြားၿပီမို႔ ပန္းကန္ျပားထည့္ထည့္ၿပီး ထမင္းနဲ႔ အသင့္စားသံုးႏိုင္ပါၿပီ။ ဒါဆိုရင္ေတာ့ အရသာရွိတဲ့ တို႔ဟူးေၾကာ္ စပ္စပ္ေလးကို ေၾကာ္ၿပီးသြားပါၿပီ။

Photo Source: www.sweet&spicy.com

(Unicode Version)

တို့ဟူးကို ဒီတိုင်းကြော်စားရတာရိုးပါတယ်။ တစ်ခါတစ်လေကျရင် အသစ်အဆန်းလေးတွေ လုပ်စားရတာက ပိုစားလို့ကောင်းပါတယ်။ ဒီတစ်ခါမှာတော့ တို့ဟူးကို အရသာပိုရှိသွားအောင် ဟင်းသီးဟင်းရွက်တွေနဲ့ ချိုချဉ်ကြော်လို လုပ်စားလို့ရမယ့် နည်းလမ်းကို မျှဝေပေးလိုက်ပါတယ်။ အစပ်ကြိုက်တဲ့သူတွေအတွက် အစပ်အရသာလေးလည်း ထည့်လုပ်မှာပါနော်။ ဒီမှာသုံးမယ့်တို့ဟူးကတော့ မြန်မာတို့ဟူးအဝါတွေ မဟုတ်ပါဘူးနော်။ တို့ဟူးနေရာမှာ ပဲပြားကို အစားထိုးလို့လည်းရပါတယ်။

ပထမဆုံးအနေနဲ့ တို့ဟူး – ၂ တုံးကို အတုံးသေးလေးတွေ လှီးပါမယ်။ လှီးပြီးသွားရင် ပန်းကန်လုံးထဲ ပြောင်းထည့်ပါ။

တို့ဟူးထည့်ထားတဲ့ပန်းကန်လုံးထဲကို ပြောင်းဂျုံ – စားပွဲတင်ဇွန်း ၃ ဇွန်း၊ ငရုပ်ကောင်းမှုန့် (Black Pepper) – လက်ဖက်ရည်ဇွန်း တစ်ဝက်စာနဲ့ ဆား – အနည်းငယ် ထည့်ပါ။ တို့ဟူးက ပျော့တဲ့အတွက် လက်နဲ့နယ်လိုက်ရင် ပဲ့သွားမှာမို့ ပန်းကန်းကိုပဲလှုပ်ပြီး သမအောင်လုပ်ပါ။ ပြီးမှ ဇွန်းနဲ့ ဖြေးဖြေးချင်းနယ်လိုက်ပါ။

ဒယ်အိုးထဲကို ဆီ – စားပွဲတင်ဇွန်း ၂ ဇွန်းစာထည့်ပါ။ ပြီးရင် နယ်ထားတဲ့ တို့ဟူးအတုံးလေးတွေကို ထည့်ကြော်ပါ။ အရမ်းကျွတ်နေအောင် မကြော်ရပါဘူးနော်။ ၅ မိနစ်လောက်ကြော်ပြီး အရောင်လေးပြောင်းသွားရင် ရပါပြီ။ ကြော်ပြီးရင် ပန်းကန်ထဲခူးထုတ်ထားပါ။

ဒယ်အိုးထဲကို ထပ်ပြီး ဆီ – စားပွဲတင်ဇွန်း ၂ ဇွန်းစာထည့်ပါ။ နုတ်နုတ်ဆင်းထားတဲ့ဂျင်း – စားပွဲတင်ဇွန်း ၁ ဇွန်းနဲ့ နုတ်နုတ်ဆင်းထားတဲ့ ကြက်သွန်ဖြူ – စားပွဲတင်ဇွန်း ၁ ဇွန်းထည့်ပြီး စက္ကန့် ၃၀ လောက်မွှေပေးပါ။

လှီးထားတဲ့ကြက်သွန်မြိတ် – အနည်းငယ်နဲ့ လှီးထားတဲ့ကြက်သွန်နီ – အနည်းငယ်ကိုထည့်ပြီး မွှေပေးပါ။ လှီးထားတဲ့ ပန်းမုန်လာ (Broccoli) – အနည်းငယ်နဲ့ လှီးထားတဲ့ ပန်းငရုပ် – အနည်းငယ်ကိုလည်း ထည့်မွှေပါ။

ငရုပ်သီးမှုန့် – လက်ဖက်ရည်ဇွန်း ၁ ဇွန်း၊ ခရမ်းချဉ်သီး (Ketchup) ဆော့စ် – စားပွဲတင်ဇွန်း ၂ ဇွန်း၊ Chilli ဆော့စ် – စားပွဲတင်ဇွန်း ၁ ဇွန်း၊ ငံပြာရည် – စားပွဲတင်ဇွန်း ၂ ဇွန်း၊ ရှာလကာရည် – လက်ဖက်ရည်ဇွန်း ၁ ဇွန်း၊ ပျားရည် – စားပွဲတင်ဇွန်း ၂ ဇွန်းနဲ့ ဆား – လက်ဖက်ရည်ဇွန်း တစ်ဝက် ကိုထည့်ပြီး မွှေပေးပါ။

မွှေပြီးတာနဲ့ ခုနကကြော်ထားတဲ့ တို့ဟူးကို ထည့်မွှေပါ။ သေချာသမအောင်မွှေပြီးရင်တော့ ကြက်သွန်မြိတ်ကို နည်းနည်းထပ်ထည့်ပြီး မွှေပေးပါ။

ခဏလောက်မွှေပြီးတာနဲ့ ရသွားပြီမို့ ပန်းကန်ပြားထည့်ထည့်ပြီး ထမင်းနဲ့ အသင့်စားသုံးနိုင်ပါပြီ။ ဒါဆိုရင်တော့ အရသာရှိတဲ့ တို့ဟူးကြော် စပ်စပ်လေးကို ကြော်ပြီးသွားပါပြီ။

Photo Source: www.sweet&spicy.com