အားလုံးပဲ မင်္ဂလာပါ။ ဒီတစ်ခါမှာ ဝေမျှပေးချင်တဲ့ ဟင်းချက်နည်းကတော့ အနံ့မွှေးမွှေးလေးနဲ့ အရသာရှိတဲ့ ကြက်သားကြော်ပဲဖြစ်ပါတယ်။
ပါဝင်ပစ္စည်းများ
- ပြောင်းမှုန့် ၈၅ ဂရမ်
- ပူစီနံ တစ်စည်းခန့်
- ဆီအနည်းငယ်
- ပဲငံပြာရည်အကြည် စားပွဲတင်ဇွန်း တစ်ဇွန်းခွဲ
- ဘီယာ စားပွဲတင်ဇွန်း ၁ ဇွန်း
- အရိုးမပါ အရေခွံမပါသော ကြက်ရင်အုံသား ၂ တုံး (၃၂၀ ဂရမ်ခန့်)
- ကြက်သွန်ဖြူ ၃ မြွှာ (ပါးပါးလှီးထားပါ)
- ကြက်ဥ ၁ လုံး
- ဟင်းခပ်မှုန့် အနည်းငယ်၊ ငရုတ်ကောင်းမှုန့် လက်ဖက်ရည်ဇွန်းတစ်ဇွန်း၊ ဆား လက်ဖက်ရည်ဇွန်း တစ်ဇွန်းနှင့် သကြား စားပွဲတင်ဇွန်း ၂ ဖွန်း
ပြုလုပ်နည်း အဆင့်ဆင့်
၁။ ပူစီနံရွက်များကို ရေဖြင့် စင်ကြယ်အောင် ဆေးကြောပြီးတဲ့နောက်မှာ အခြောက်ခံထားလိုက်ပါ။
၂။ ကြက်သားကို အနေတော်အတုံး တုံးပေးပြီးတဲ့နောက်မှာ ပဲငံပြာရည်၊ ဘီယာ၊ ကြက်သွန်ဖြူ၊ ကြက်ဥ၊ ငရုတ်ကောင်းမှုန့်၊ သကြား၊ ဆားနှင့် ဟင်းခပ်အမွှေးအကြိုင်များဖြင့် သမအောင် နယ်ဖတ်ထားလိုက်ပါ။ ထို့နောက် ရေခဲသေတ္တာထဲတွင် မိနစ် ၃၀၊ ၁ နာရီခန့် ထည့်ထားလိုကပါ။
၃။ အချိန်ပြည့်သွားပါက ပြောင်းမှုန့်တစ်ဝက်ခန့်ကို ကြက်သားဖြင့် သမအောင် ရောနယ်ပေးလိုက်ပါ။ ကျန်ရှိတဲ့ ပြောင်းမှုန့်တစ်ဝက်ကို ပန်းကန်ပြားထဲထည့်ထားလိုက်ပါ။ ကြက်သားကြော်ခါနီးကျမှ ကြက်သားတစ်တုံးချင်းစီကို ပြောင်းမှုန့်ဖြင့် ထပ်ကပ်ပေးရပါမယ်။
၄။ ဒယ်အိုးကို အပူပေးပြီး ဆီထည့်ပါ။ ဆီပူလာပါက ကြက်သားတုံးများကို ၂ မိနစ်၊ ၃ မိနစ်ခန့် ကြော်ပေးရပါမယ်။ ရရှိလာတဲ့ ကြက်သားကြော်ကို ပန်းကန်ပြားထဲ ဆယ်ထည့်ထားပါ။
၅။ ထို့နောက် မီးအနည်းငယ်ပြန်လျော့ပြီးနောက် ပူစီနံရွက်များ ထည့်လိုက်ပါ။ တစ်ဆက်တည်းမှာပဲ ကြက်သားကြော်များထည့်ကာ စက္ကန့် ၃၀၊ တစ်မိနစ်ခန့် ကြော်ပေးလိုက်ပါ။
ထိုအဆင့်များအားလုံး ပြီးသွားတဲ့အခါမှာတော့ အရသာရှိတဲ့ ကြက်သားကြော်လေး ရရှိသွားပါပြီ။ အအေးနဲ့အတူတူ အရသာရှိရှိ တွဲဖက်စားသုံးလိုက်ပါ။
Source: Chinasichuanfood.com
