အားလုံးပဲ မင်္ဂလာပါ။ ကြက်ကြော်စပ်စပ်လေးကိုမှ ကြိုက်နှစ်သက်သူများအတွက် ဒီတစ်ခါမှာတော့ ထိုင်းစတိုင်လ် ကြက်သားအစပ်ကြော် ပြုလုပ်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ဟင်းသီးဟင်းရွက်ဆီ
- ဂျုံမှုန့် ၆၄ ဂရမ်
- ကြက်သွန်ဖြူအမှုန့် လက်ဖက်ရည်ဇွန်း တစ်ဝက်
- ကြက်ဥ ၁ လုံး
- နွားနို့ ၆၀ မီလီလီတာ
- ကြက်ရင်အုံသား ၁ ပေါင် (အရိုးနှင့် အရေခွံတို့ကို ဖယ်ရှားထားပါ)
- သကြား လက်ဖက်ရည်ဇွန်း ၄ ပုံ ၁ ပုံ
- ငရုတ်ကောင်းမှုန့် လက်ဖက်ရည်ဇွန်း တစ်ဝက်
- ငရုတ်သီးမှုန့် လက်ဖက်ရည်ဇွန်း တစ်ဇွန်း
ပြုလုပ်နည်း အဆင့်ဆင့်
၁။ ဒယ်အိုးကို အပူပေးပြီး ဆီထည့်ထားလိုက်ပါ။
၂။ ကြက်သားတုံးကို ၁ လက်မပတ်လည် အတုံးငယ်များ တုံးထားပါ။
၃။ ဂျုံမှုန့်၊ ကြက်သွန်ဖြူမှုန့်၊ ကြက်ဥ၊ နွားနို့၊ ငရုတ်သီးမှုန့်၊ ဆားနှင့် ငရုတ်ကောင်းမှုန့်တို့ကို ပန်းကန်လုံးတစ်လံးထဲထည့်ပြီး သမအောင် ရောမွှေထားလိုက်ပါ။
၄။ ထိုဂျုံမှုန့်အရောအနှောထဲသို့ ကြက်သား တစ်တုံးချင်းစီကို နှစ်လိုက်ပြီးနောက် ဆီပူထဲထည့်ကြော်လိုက်ပါ။
၅။ ကြက်သားတုံးများ ရွှေညိုရောင်ပြောင်းသွားပါက ဒယ်အိုးထဲမှ ဆယ်ယူလိုက်ပါ။
၆။ အအေးခံပြီးနောက်မှာတော့ မိမိနှစ်သက်ရာအချဉ်၊ ဆော့စ်တစ်မျိုးမျိုးဖြင့် အရသာရှိရှိ တို့စားနိုင်ပါပြီ။
Source: Jocooks.com
