အားလုံးပဲ မင်္ဂလာပါ။ ဒီတစ်ခါမှာ ဝေမျှပေးချင်တဲ့ဟင်းလျာလေးကတော့ တော့ပိုကီအနှစ်များဖြင့် ချက်ပြုတ်ထားတဲ့ ကြက်ဥဟင်းပဲဖြစ်ပါတယ်။
ပါဝင်ပစ္စည်းများ
- ကြက်ဥ ၈ လုံး (ဘဲဥလည်း အသုံးပြုနိုင်ပါတယ်)
- ကြက်သွန်နီ ၁ ဥ (ပါးပါးလှီးထားပါ)
- ကြက်သွန်မြိတ် ၁ ပင် (ပါးပါးလှီးထားပါ)
- ဆားအနည်းငယ်နှင့် ရှာလကာရည် အနည်းငယ်
- ရေ စားပွဲတင်ဇွန်း ၈ ဇွန်း
- ငရုတ်သီးနှစ် စားပွဲတင်ဇွန်း ၂ ဇွန်းနှင့် ငရုတ်သီးမှုန့် စားပွဲတင်ဇွန်း ၃ ဇွန်း
- ငံပြာရည် စားပွဲတင်ဇွန်း ၄ ဇွန်း
- သကြား စားပွဲတင်ဇွန်း ၂ ဇွန်း
- ပျားရည် စားပွဲတင်ဇွန်း ၃ ဇွန်း
- ငရုတ်ကောင်းမှုန့် အနည်းငယ်
ပြုလုပ်နည်း အဆင့်ဆင့်
၁။ အိုးတစ်လုံးထဲသို့ ရေထည့်ပါ။ ဆားအနည်းငယ်၊ ရှာလကာရည်အနည်းငယ်ထည့်ပြီး ပွက်ပွက်ဆူလာအောင် တည်ထားပါ။ ပွက်ပွက်ဆူလာပြီဆိုရင်တော့ ကြက်ဥ (သို့) ဘဲဥများထည့်ကာ အဖုံးပိတ်ပြီး ၇ မိနစ်ခန့် တည်ပါ။ ၇ မိနစ်ပြည့်ပါက ကြက်ဥပြုတ်များကို ရေအေးထဲတွင် ထည့်ကာ အအေးခံပါ။ ပြီးရင်တော့ အလွယ်တကူအခွံခွာလို့ရပါပြီ။
၂။ တစ်ဖန် ထိုအိုးကို ရေဆေးသန့်စင်ပြီးနောက် ရေ စားပွဲတင်ဇွန်း ၁၆ ဇွန်းထည့်ပါ။ ငရုတ်နှစ်၊ ငရုတ်သီးမှုန့်၊ ပဲငံပြာရည်၊ သကြား၊ ပျားရည်နှင့် ငရုတ်ကောင်းမှုန့်တို့ထည့်က သမအောင် ရောမွှေပါ။
၃။ ပွက်ပွက်ဆူလာတဲ့အခါ ပါးပါးလှီးထားသော ကြက်သွန်နီများ ထည့်ပါ။ မီးအပူချိန်ကို လျော့ပြီးနောက် ၅ မိနစ်ခန့် တည်ပါ။
၄။ ဟင်းရည်က ထက်ဝက်ခန့် လျော့သွားပြီဆိုရင်တော့ ကြက်ဥပြုတ်များထည့်ကာ ၂ မိနစ်ခန့် တည်ပါ။
၂ မိနစ်ပြည့်တဲ့အခါမှာတော့ မီးဖိုပေါ်ကချလိုက်လို့ရပါပြီ။ ပန်းကန်ပြားထဲ ပြောင်းထည့်ကာ ကြက်သွန်မြိတ်ဖြင့် အလှဆင်ကာ ထမင်းနဲ့အတူတူ အရသာရှိရှိ သုံးဆောင်နိုင်ပါပြီ။
Source: Futuredish.com
