အာလုံးပဲမင်္ဂလာပါ။လူကြိုက်အများဆုံးအစားအစာတွေထဲမှာ ဒံပေါက်ကလည်းတစ်ခုအပါအဝင်ပဲဖြစ်ပါတယ်။များသောအားဖြင့်ဒံပေါက်ကိုကြက်သား ကြက်အသဲမြစ် ဆိတ်သားစတဲ့ အသားဟင်းလျာတွေနဲ့တွဲဖက်စားရတဲ့ဖြစ်တာကြောင့်အသား ဟင်းမစားသူတွေအတွက်တော့ အဆင်မပြေပါဘူး။ဒါကြောင့်ဒံပေါက်လည်းကြိုက်တယ် အသားဟင်းတွေနဲ့လည်းမစားချင်ဘူးဆိုသူတွေအတွက် အရသာရှိတဲ့ သက်သက်လွတ်ဒံပေါက်ချက်နည်းလေးမျှဝေပေးချင်ပါတယ်။
ပါဝင်ပစ္စည်းများ
- ဒံပေါက်ဆန် ၁ လုံး
- ပဲစိမ်းလုံး ၁၀၀ ဂရမ်
- ပန်းဂေါ်ဖီ ၈၀ ဂရမ်
- မုလာဥနီ ၁ တောင့်
- ကြက်သွန်နီ ၃ လုံး
- ငရုပ်သီးစိမ်း ၃ တောင့်
- ကြက်သွန်ဖြူ ၄ တက်
- ပဲတောင့်ရှည် ၅ တောင့်
- အာလူး ၂ လုံး
- ဂျင်း ၁ တက်
- ဆားအနည်းငယ်
- စပျစ်သီးခြောက် ၂ ဇွန်း
- သီဟိုစေ့ ၂ ဇွန်း
- နနွင်းမှုန့် ၁ ဇွန်း
- ငရုပ်သီးအစိမ်းမှုန့်စားပွဲတင်ဇွန်း ၂ ဇွန်း
- ထောပတ်စားပွဲတင်ဇွန်း၂ ဇွန်း
- ခရမ်းချဉ်သီး ၁ လုံး
- ပူစီနံ ၁ စည်း
- နံနံပင် ၃ ပင်
- မဆလာ ၁ ဇွန်း
- လေးညှင်းပွင့် ၅ ပွင့်
- ကရဝေးရွှက် ၃ ရွှက်
- ဖာလာ ၁ ဇွန်း
- သစ်ဂျပိုးခေါက် ၁ ချောင်း
- စမုန်စပါး ၁ ဇွန်း
- နာနတ်ပွင့် ၃ ပွင့်
- အုန်းနို့ ၁၀၀ မီလီလီတာ
- ဒိန်ချဉ် ၃ ဇွန်း
- ရေ
ပြုလုပ်နည်းအဆင့်ဆင့်
(၁) အရင်ဆုံးဆန်ကို ၁၀ မိနစ်ခန့်ရေစိမ်ထားပေးပါ။ဆန်ရေစိမ်နေစဉ်အတွင်းမှာ ဟင်းသီးဟင်းရွှက်တွေကိုရေဆေးသန့်စင် ထားပါ။၁၀မိနစ်ခန့်ဆန်ကိုရေစိမ်ပြီးပြီဆိုရင်တော့ ဇကာတစ်ခုနဲ့ ရေစစ်ထားပေးပါ။
(၂) ပြီးရင်တော့ ဒယ်အိုးတစ်ခုအတွင်း ထောပတ်တစ်ဇွန်းထည့်ပြီး မီးအနေတော်ဖြင့်အပူပေးပါ။ထောပတ်ပျော်သွားပြီဆိုရင်တော့ ကရဝေးရွှက် ဖာလာ နာနတ်ပွင့် သစ်ဂျပိုးခေါက် စမုန်စပါး လေးညှင်းပွင့်နဲ့ ပါးပါးလှီးထားတဲ့ကြက်သွန်နီတို့ ကိုရောထည့်ပြီး ဆီသပ်ပေးပါ။၁ မိနစ်ခန့်ဆီးသပ်ပြီးရင်တော့ ငရုပ် သီးစိမ်း ဂျင်း ကြက်သွန်ဖြူတို့ကိုရောထည့်ပြီး မွှေပေးပါ။
(၃) ကြက်သွန်တွေကြွပ်ပြီးမွှေးလာပြီဆိုရင်တော့ ၁စင်တီမီ တာခန့်လှီးထားတဲ့ မုန်လာဥနီအတုံးလေးတွေ ပဲတောင့်ရှည် အာလူး ခရမ်းချဉ်သီး ပန်းဂေါ်ဖီ ပဲစိမ်းလုံးတွေကိုရောထည့်ပြီးသမအောင်မွှေပေးပါ။ ထို့နောက်ကြိတ်စက်ဖြင့်ကြိတ်ထားတဲ့ ပူစီနံ့အနှစ်ကိုရောထည့်ပြီး ၃ မိနစ်ခန့်တည်ထားပေးရပါမယ်။ဆက်လက်ပြီး ဒိန်ချဉ် နနွင်းမှုန့် ငရုပ်သီးအစိမ်းမှုန့် မဆလာဆားအနည်းငယ်တို့ကိုရောထည့်ပြီး မွှေပေးပါ။
(၄) ထို့နောက် အုန်းနို့ထည့်ပြီးမွှေးပေးရပါမယ်။အသီးအရွှက် တွေလည်းကျက်ပြီး အနံ့မွှေးလာပြီဆိုရင်တော့ ရေစိမ်ထားတဲ့ ဆန်ကိုအပေါ်ကနေ ပြန့်ပြန့်ပြူးပြူးဖြန့်ခင်းလိုက်ပါ။ပြီးရင်တော့ဒယ်အိုးရဲ့ဘေးဘက်ကနေကပ်ပြီး ရေ ၂ ခွက်ခန့်ထည့်ပေးပါ။ဆက်လက်ပြီး ထောပတ် ၁ ဇွန်း မဆလာအနည်းငယ် နံနံပင် စပျစ်သီးခြောက် သီဟိုစေ့တို့ကိုရောထည့်ပြီးအဖုံးအုပ်ကာ ၂၅ မိနစ်ခန့် မီးခပ် အေးအေးဖြင့်တည်ထားပေးရပါမယ်။
(၅) အချိန့်စေ့ပြီဆိုရင်တော့ အိုးအဖုံးလေးဖွင့်လိုက်ပါ။ရေခမ်းပြီးထမင်းလည်းကျက်ပြီဆိုရင်တော့ အောက်ကဟင်းအနှစ်လေးတွေနဲ့ မျှသွားအောင် ခပ်ဖွဖွလေးမွှေပေးပါ။ဒါဆိုရင်တော့ အရောင်အဆင်းအနံ့ အရသာနဲ့ပြည့်စုံတဲ့ သက်သက်လွတ်သီးစုံဒံပေါက်လေးရပါပြီ။ကြက်သွန်ချဉ် ပဲဟင်းတို့ဖြင့် တွဲဖက်စားသုံးရင်အရမ်းကိုလိုက်ဖက်ပါတယ်နော်။
Source : pipingpotcurry