အားလုံးပဲမင်္ဂလာပါနော်။ ပြုလုပ်ရတာရိုးရှင်းပြီး အရသာရှိတဲ့ အသီးအရွက် ဂျုံခေါက်ဆွဲကြော်ပြုလုပ်နည်းကို မျှဝေပေးချင်ပါတယ်။
ပါဝင်ပစ္စည်း
- ဂျုံခေါက်ဆွဲ ၄၅၀ ဂရမ်
- ပဲငံပြာရည် အနှောက် စားပွဲတင်ဇွန်း ၁ ဇွန်း
- ပဲငံပြာရည် အကြည် စားပွဲတင်ဇွန်း ၂ ဇွန်း
- နှမ်းဆီ အနည်းငယ်
- သကြား လက်ဖက်ရည်ဇွန်း ၁ဇွန်း နဲ့ ရေနွေး လက်ဖက်ရည်ဇွန်း ၁ဇွန်း (သကြားအရည်ပျော်အောင်ဖျော်ပေးလိုက်ပါ)
- ဆီ အနည်းငယ်
- ဆားအနည်းငယ်
- ကြက်သွန်ဖြူ ၁ မွှာ တောက်တောက်စဉ်း
- မှို ပါးပါးလှီး တစ်ခွက်
- ကြက်သွန်မြိတ် ၁ ပင် ခပ်ရှည်ရှည်လှီးပေးလိုက်ပါ
- ငရုတ်ပွသီး ၁ လုံး
- မုန်လာဥနီ အသေးအနည်းငယ်
- ပဲသီး အနည်းငယ်
- အရွက်အစိမ်း (မုန်ညှင်းစိမ်း၊ ပန်းမုန်လာ စသည့်)
ပြုလုပ်နည်း
အရင်ဆုံး ကြက်သွန်ဖြူဆီသတ်ပြီး မှိုကြော်ပေးလိုက်ပါ။
အဲဒီနောက် ငရုတ်ပွသီးနဲ့ မုန်လာဥနီထည့်ကြော်ပေးလိုက်ပါ။
ပြီးရင် ပဲသီးနဲ့ အရွက်ထည့်ကြော်ပေးလိုက်ပါ။
အဲးဒီနောက်ခေါက်ဆွဲထည့်လိုက်ပြီး ပဲငံပြာရည်များ၊ ဆားနဲ့ တခြားကျန်တဲ့ပါဝင်ပစ္စည်းအားလုံးကို ထည့်လိုက်ပါ။ သေချာလေးမွှေပေးလိုက်ပြီး နှံသွားပြီး အနံ့လေးမွှေးလာပြီဆိုရင်တော့ သုံးဆောင်နိုင်ပါပြီနော်။
Source: www.thewokoflife.com
By: MyFood Myanmar
