အားလုံးပဲ မင်္ဂလာပါ။ ထမင်းကြော်ကြိုက်နှစ်သက်သူများအတွက် ဒီတစ်ခါမှာဝေမျှပေးချင်တဲ့ ထမင်းကြော်ကတော့ သီးစုံထမင်းကြော် ကြော်နည်းပဲဖြစ်ပါတယ်။
ပါဝင်ပစ္စည်းများ
- ငရုတ်ပွအနီတစ်တောင့်နှင့် ငရုတ်သီး ခပ်ရှည်ရှည် တစ်တောင့်
- အာလူး တစ်ခြမ်း
- ဟင်းသီးဟင်းရွက်ဆီ စားပွဲတင်ဇွန်း တစ်ဝက်
- ကြက်သွန်မြိတ် ၁ ပင် (ပါးပါးလှီးထားပါ)
- ပဲငံပြာရည် လက်ဖက်ရည်ဇွန်း ၂ ဇွန်းနှင့် ဆား လက်ဖက်ရည်ဇွန်း တစ်ဝက်
ပြုလုပ်နည်း အဆင့်ဆင့်
၁။ ငရုတ်ပွအနီကို အကွင်းလိုက် ပါးပါးလှီးဖြတ်ထားပါ။ ငရုတ်သီးတောင့်နှင့် အာလူးကိုလည်း အန်စာတုံးပုံသဏ္ဍာန် အတုံးငယ်လေး လှီးဖြတ်လိုက်ပါ။
၂။ အိုးတစ်လုံးထဲ ရေထည့်ပြီး ပွက်ပွက်ဆူအောင် တည်ထားလိုက်ပါ။ ပွက်ပွက်ဆူလာပါက ငရုတ်ပွ၊ ငရုတ်သီးတောင့်နှင့် အာလူးတို့ကို အိုးထဲထည့်ကာ ၂ မိနစ်ခန့် ပြုတ်ပေးလိုက်ပါ။ ၂ မိနစ်ပြည့်ပါက ပန်းကန်ထဲသို့ ဆယ်ထည့်ထားပါ။
၃။ ဒယ်အိုးတစ်လုံးကို အပူပေးပြီး ထမင်း ပန်းကန်လုံးတစ်လုံးစာကို ထည့်ကြော်ပေးလိုက်ပါ။ ထမင်းစေ့များ တစ်စေ့နဲ့တစ်စေ့ သပ်သပ်စီဖြစ်သွားပါက ပန်းကန်ထဲသို့ ခပ်ထည့်ထားပါ။
၄။ ထို့နောက်ထိုဒယ်အိုးထဲသို့ ဟင်းသီးဟင်းရွက်ဆီ စားပွဲတင်ဇွန်းတစ်ဝက်ထည့်ပါ။ ငရုတ်ပွ၊ ငရုတ်သီးတောင့်နှင့် အာလူးတို့ထည့်ပြီး တစ်မိနစ်ခန့် ကြော်ပေးလိုက်ပါ။ ထို့နောက် ထမင်းထည့်ပါ။ ပဲငံပြာရည်၊ ဆားနှင့် ကြက်သွန်မြိတ်တို့ထည့်ပြီး သမအောင် ရောကြော်ပေးလိုက်ပါ။
၅။ အရသာအပေါ့အငန်မြည်းကြည့်ပြီးတဲ့နောက်မှာတော့ အရသာရှိတဲ့ သီးစုံထမင်းကြော်လေးရရှိသွားပါပြီ။ ပူပူနွေးနွေးနဲ့ အရသာရှိရှိသုံးဆောင်လိုက်ပါ။
Source: Chinasichuanfood.com
