လူကြီး၊ လူငယ်၊ ကလေးသူငယ်အားလုံးအတွက် အဆင်ပြေစေသော အဆာပြေအစားအစာပါ။ ဦးနှောက်ခြောက်စရာ မလိုဘဲ ပေါ့ပေါ့ပါးပါး လုပ်စားလို့ရသော ပေါင်မုန့်ပီဇာ။
ပါဝင်ပစ္စည်းများ (၂ ယောက်စာ)
- ပေါင်မုန့် – ၄ ချပ် (ဘေးသားများ ကိုယ်လိုရာပုံစံကွင်းဖြင့် လှီးထုတ်ပစ်ပါ)
- ခရမ်းချဉ်သီးဆော့စ် – စားပွဲဇွန်း ၄ ဇွန်း (အိမ်လုပ် ဆော့စ်)
- ချိစ် – စားပွဲဇွန်း ၄ ဇွန်း (အမျှင်လေးတွေ ခြစ်ထားပါ)
- ငရုတ်ကောင်းနက်မှုန့် – လိုသလောက်ဖြူးပါ
- သံလွင်ဆီ – စားပွဲဇွန်း ၂ ဇွန်း
ပြုလုပ်နည်း
- ပေါင်မုန့်ကင်ရန် အသင့်ပြင်နေတုန်း အာဗင်ကို ၂ဝဝ ဒီဂရီလောက် အပူပေးထားပါ။
- ပေါင်မုန့်ချပ် တစ်ချပ်ချင်းစီကို အသည်းပုံ၊ ကြယ်ပုံ စသည်ဖြင့် ကိုယ် လိုချင်သောပုံစံကွင်းဖြင့် ပေါင်မုန့်ဘေးသားများ ဖယ်ထုတ်ပစ်ပါ။ ပြီးလျှင် ဆော့စ် စားပွဲဇွန်း ၁ ဇွန်းတင်ပြီး ပေါင်မုန့်ချပ်ပေါ် နှံ့အောင်ဖြန့် ပေးပါ။ ချိစ်တင်ပါ။ ပြီးလျှင် ကင်ရန် ဘန်းထဲထည့်ပြီး ၃ မိနစ်လောက် ကင်ပါ။ ချိစ်များအရည်ပျော်လျှင် ရပါပြီ။ ပူပူလေးသုံးဆောင်ပါ။ သုံး ဆောင်ခါနည်း ငရုတ်ကောင်းမှုန့်၊ သံလွင်ဆီဖြင့် အပေါ်မှဖျန်းပြီး စားလျှင် အရသာပိုကောင်းပါတယ်။
မှတ်ချက် – ကိုယ်ကြိုက်နှစ်သက်သော ပေါင်မုန့်၊ ပီဇာ Dough တို့ဖြင့် အသုံးပြုလို့ရပါတယ်
