ကြက်ကင်၊ ဘဲကင်လို့ ဆိုလိုက်တာနဲ့ စားလို့ကောင်းတဲ့ ပုံရိပ်လေးတွေက မျက်လုံးထဲကို ပြေးဝင်လာကြမှာ အသေအချာပါ။ ဒီလိုမျိုး ကြက်ကင်၊ ဘဲကင်ကို စားချင်ရင် ဆိုင်ကိုသာသွားနေရတာ စိတ်ရှုပ်စရာပါ။ ဒါပေမယ့် အခုတော့ အိမ်မှာပဲ ကိုယ်တိုင်ကင်စားကြည့်ကြမယ်။
ပါဝင်ပစ္စည်းများ
- ကြက် ၊ ဘဲ – နှစ်သက်ရာ
- ပျားရေ – ၁ဇွန်း (ဟင်းချိုဇွန်း)
- ရေ – ၂ ဇွန်း (ယောက်ချိုဇွန်း)
- ရှာလကာရေ – အနည်းငယ်
- အချိုမှုန့် – ၅၀ ဂရမ်
- ဆား – ၅၀ ဂရမ်
- ဂျင်း – ၅၀ ဂရမ်
- ကြက်သွန်နီ – ၅၀ ဂရမ်
- စမုန်စပါး – ၅၀ ဂရမ်
- လေညှင်း – ၅၀ ဂရမ်
- ဖာလာ – ၅၀ ဂရမ်
- နံနံပင်
- ကြက်သွန်မြိတ်
- ဆီ
ပြုလုပ်နည်း
- ပျားရေ ၊ ရေ ၊ ရှာလကာရေ အားလုံးကို ရေဆူအောင် ပြုတ်ပြီးလျှင် အကြိမ် ၂၀ ခန့် ကြက်သား ၊ ဘဲသား ကိုလောင်းပေးပါ ။
- ပြီးလျှင် အချိုမှုန့် ၊ ဆား ၊ ဂျင်း ၊ ကြက်သွန်နီ ၊ စမုန်စပါး ၊ လေညှင်း နှင့် ဖာလာ အားလုံးကို ကြက် ၊ ဘဲ ဝမ်းထဲကို ထည့်ပါ ။
- ပြီးလျှင် ကြက် ၊ ဘဲ ၏ ဝမ်းပေါက်ကို စူးချွန်းနဲ့ လုံအောင်ပိတ်ပါ ။ ချွင်းချက် အနေဖြင့် နံနံပင် ၊ ကြက်သွန်မြိတ် နှစ်သက်ရင်လည်း ထည့်လို့ ရပါတယ် ။
- ပြီးလျှင် သံစည်ပိုင်း ထဲမှာ ၁၅ မိနစ်ခန့် ကင်ပါ ကင်ပြီးသွားရင် ဆီကို ဆူအောင် ချက်ပြီး မီးကို အေးအေး ထားပါ ။
- ဆီ ဆူပြီးသားထဲကို ကြက် ၊ ဘဲ ကို ၁၅ မိနစ်ခန့် ထည့်ပါ ။ အဲဒါပြီးရင် အနံ့အရသာနဲ့ ပြည့်စုံတဲ့ ကြက် ၊ ဘဲ ကို အသင့် စားလို့ရပါပြီ ။
Credit: ကိုထိုက်
