ကိုရီးယားကားတွေထဲမှာ အသားတွေကိုပေါင်းပြီးစားကြတာကို မြင်ရင် စားချင်စရာကြီးပါနော်။ မြင်သာမြင်ရ မကြင်ရဆိုတဲ့စကားအတိုင်း မဖြစ်ရအောင် အခုပဲချက်နည်းလေးကို ဖော်ပြပေးလိုက်ရပါတယ်။
ပါဝင်ပစ္စည်းများ
- ဝက်သား – ၁ ကီလို
- ကြက်သွန်နီ – ၁ လုံး
- ဂျပန်ကြက်သွန်မြိတ် – အနည်းငယ်
- ငရုပ်သီးစိမ်း – ၂ တောင့်
- ဂျင်း – ၃၀ ဂရမ်
- ငရုပ်ကောင်းအစေ့ – (လဖက်ရည်ဇွန်း တစ်ဝက်)
- ကြက်သွန်ဖြူ – (စားပွဲတင်ဇွန်း ၁ ဇွန်း)
- ဆန်ဝိုင်(ဆန်အရက်ပေါ့) – စားပွဲတင်ဇွန်း ၄ ဇွန်း
- ကိုရီးယားပဲအနှစ် – (စားပွဲတင်ဇွန်း ၂ ဇွန်း)
- ရေ – (အနည်းငယ်)
ပြင်ဆင်ပြုလုပ်နည်း
- ပထမဆုံး ပုံတွင်ပြထားသည့် ဝက်သားလိုမျိုး ဝက်ဗိုက်သားကို ရေစင်အောင်ဆေးပြီး အိုးထဲထည့်၊ ကြက်သွန်နီ ဥကြီး တစ်လုံးကို လေးစိတ်ခွဲထည့်၊ ဂျပန် ကြက်သွန်မြိတ်ကို အဆင်ပြေသလို လှီးထည့် (ဒါတွေက အနံ့အတွက်ပဲ ယူတာပါ။ စားလို့ မရပါဘူး။ ဝက်သား တစ်ခုပဲ ဆယ်ပြီး စားမှာ) ဂျင်း နှင့် ကြက်သွန်ဖြူ ကိုပါ ဓားပြားရိုက်ပြီးထည့် ၊ ငရုပ်ကောင်းအစေ့ ၊ ကိုရီးယား ပဲအနှစ်(ပုံတွင်ပြထားပါသည် ။) ထည့်ပြီး ဆန်ဝိုင်(ဆန်အရက်) ထည့်ပါ။ ထို့နောက် အိုးထဲသို့ ရေထည့်ပြီး မီးတစ်ဝက် (မီးအေးအေးဖြင့်) အိုးအဖုံး ပိတ်ပြီး ၁ နာရီခွဲခန့်ပေါင်းပါ။ အိုးက ရိုးရိုးအိုးဆိုလဲ ရပါတယ် ပေါင်းအိုး မလိုပါဘူး။
- ကိုရီးယား ဝက်သားပေါင်းမှာ အရောင်နှစ်မျိုး ရှိပါတယ်။ အဖြူရောင်နှင့် အညိုရောင် အညိုရောင် ကြိုက်ရင် ပေါင်းတဲ့ အထဲ ပဲငံပြာရည် အနောက် အနည်းငယ် ထည့်လိုက်ပါ။ ဒီထဲမှာတော့ ကိုရီးယား ပဲအနှစ်က ရယ်ရီမိတ်ဗူး စီးတီးမက်မှာ ရောင်းပါတယ်။ ဂျပန် ကြက်သွန်မြိတ်ဆိုတာ ကတော့ မြန်မာ ကြက်သွန်မြိတ် ထက် အလုံး ပိုကြီးပါတယ်။
- 3. ၁ နာရီခွဲ ကြာလို့ ဝက်သားနူးရင် ဆယ်ယူပြီး ၂ မိနစ် ၊ ၃ မိနစ်လောက် အအေးခံပြီး ဒယ်အိုးပြား တစ်ခုကို အပူပေးပြီး ဝက်သား မျက်နှာပြင် ဟိုဘက် ဒီဘက်ကို ဒယ်အိုးဖြင့် ထိပေးပါ ။ (ဆီလုံးဝမထည့်ပါနဲ့) အနံ့မွှေးပြီး အသားမျက်နှာပြင် ရဲရဲလေးဖြစ်အောင် ကင်ပေးတာဖြစ်ပါတယ် ။ ထို့နောက် ပုံတွင် ပြထားသည့် အတိုင်း ညီညာစွာ လှီးပြီး ဆလက်ရွက် ၊ ကင်ချီ တို့ဖြင့် ရောလိပ်ပြီး စားသုံးနိုင်ပါသည် ။ သူ့ရဲ့ပဲဆော့လေးဖြင့် တို့စားရင်လည်း အလွန်ကောင်းပါသည်။
ပဲဆော့လုပ်နည်း
1. ကိုရီးယားပဲအနှစ်ဆော့ သုံးဆ(သုံးဇွန်း) ၊ ကိုရီးယား ငရုပ်သီးဆော့ တစ်ဆ(တစ်ဇွန်း) ကိုရောမွှေပါ။ ပြောင်းဖူးရည် (ငါးဇွန်းထည့်) ၊ သကြား တစ်ဇွန်း ထည့် ၊ ငရုပ်သီးစိမ်း အတောင့်ရှည် ၊ ကြက်သွန်နီ ၊ ကြက်သွန်ဖြူ အနည်းငယ်စီ ရောထည့်ပြီး ကြိတ်စက်ဖြင့် ကြိတ်ပါ။ ဆော့ထဲ ထည့်ပြီး ရောမွှေ ရပါသည် ။ (ကိုရီးယားငရုပ်သီးဆော့ + ပြောင်းဖူးရည်) ဗူးအသေးလေးတွေ ရောင်းပါတယ်။ မေးပြီး ဝယ်ကြည့် ကြပါ။
Credit: ZTT
