အားလုံးပဲ မင်္ဂလာပါ။ ဒီတစ်ခါမှာတော့ အသားဟင်းမဟုတ်ဘဲ အသီးအရွက်ဟင်းလေးတစ်မျိုးနဲ့ မိတ်ဆက်ပေးချင်ပါတယ်။ လူကြီးတွေအမားစုကြိုက်နှစ်သက်တဲ့ ကြောင်လျှာသီးလေးကို နှပ်ပြီး ချက်စားကြရအောင်နော်။ တစ်မျိုးလေးပြောင်းစားတော့ ခံတွင်းမြိန်တာပေါ့။ အသားတွေကို ညည်းငွေ့နေသူများအတွက်လည်း သင့်တော်မှာပါ။

ပါဝင်ပစ္စည်းများ

  • ကြောင်လျှာသီး – ၂ တောင့်
  • မျှင်ငါးပိ – အနည်းငယ်
  • ကြက်သွန်ဖြူ – ၅ မြွှာ
  • ကြက်သွန်နီ – ၄ လုံး
  • ပုစွန်ခြောက်မှုန့် – ၂ ဇွန်း
  • အရောင်တင်မှုန့် – အနည်းငယ်
  • ဆီ – အနည်းငယ်

ပြင်ဆင်ပုံ

  1. ရေဆေးသန့်စင်ထားတဲ့ ကြောင်လျှာသီးကို လက်တစ်လုံးသာသာစီ အပိုင်းလေးတွေ ပိုင်းဖြတ်ပါ။
  2. ပြီးတဲ့အခါ ဆားအနည်းငယ်နဲ့ ပွတ်ဆေးပြီး ရေစစ်ထားပါ။
  3. ဆီအိုးတည်ပြီး ကြက်သွန်ဖြူ ၊ နီနဲ့ အရောင်တင်မှုန့်ထည့်ပြီး ဆီသတ်ပါ။ ခဏကြာမှ ငါးပိထည့်မွှေပါ။ ငါးပိနှံ့ပြီးဆိုရင် ပုစွန်ခြောက်မှုန့် ထည့်ပါ။
  4. လိုအပ်တဲ့အရသာအတွက် ငံပြာရည်နဲ့ ဟင်းခတ်မှုန့်အနည်းငယ် ထည့်ပါ။ စိတ်ကြိုက် အနှစ်အနေအထား ရပြီဆိုရင် ကြောင်လျှာသီးထည့်မွှေပါ။
  5. ရေအနည်းငယ် ထည့်ပြီး ခဏ အုပ်ထားပေးပါ ။ ရေခန်းပြီး ဆီပြန်ပြီဆိုရင် အရသာရှိတဲ့ ကြောင်လျှာသီးနှပ်ကို ချက်စားလို့ ရပါပြီ။

Credit: ဗေဒါရီ