ခဝဲသီးကို ကြာဇံလေးနဲ့ ဟင်းချိုချက်သောက်ရင် ဘယ်လိုကောင်းမှန်းကိုမသိဘူးနော်။ ဒီတစ်ခါမှာလည်း ခဝဲသီးကို ချိုချိုလေးဖြစ်အောင် ပုဇွန်လေးထည့်ချက်ကြည့်ရအောင်။
ပါဝင်ပစ္စည်းများ
ခဝဲသီး (အခွံ ဇောင်းလေးများ ခြစ်ထားပါ)
ပုဇွန် အနည်းငယ်
ဆား အနည်းငယ်
နနွင်း အနည်းငယ်
ကြက်သွန်နီ
ကြက်သွန်ဖြူ
ခရမ်းချဉ်သီး
ငံပြာရည် – အနည်းငယ်
နံနံပင် အနည်းငယ်
နံနံပင် အမြစ်
ပြုလုပ်နည်း
ပုဇွန်ကို ဆား၊ နနွင်း နယ်ထားပါ။ အိုးထဲတွင် ပုဇွန်၊ ကြက်သွန်နီ၊ ကြက်သွန်ဖြူ၊ ခရမ်းချဉ်သီး၊ နံနံပင်အမြစ်၊ ဆီတို့ကို သေသေချချာ လုံး၍တည်ပါ။
လုံးထားတာများ အိလာပြီဆိုမှ ရေနွေး ထည့်ပါ။ ရေဆူလာလျင် ငံပြာရည် အနည်းငယ် ထည့်ပြီး ခဝဲသီးကို နှစ်သက်သလို လှီးထည့်ပါ။
ခဝဲသီးကို မနူးခင် မီးဖိုမီးကို ပိတ်လိုက်ပါ။ သူ့အငွေ့ နှင့်သူ ကျက်သွားပါမည်။ အရသာ အပေါ့အငံမြည်း၍ နံနံပင်အုပ်ပြီး ပူပူလေး စားလို့ ရပါပြီ။
ခဝဲသီး ချိုချို ၊ လတ်ဆပ်တဲ့ ပုဇွန် ချိုချိုလေးဆိုတော့ အချိုမှုန့်မလိုပဲ ချက်၍ လွယ်ကူပြီး အရသာရှိတဲ့ ဟင်းလေး တစ်ခွက်ပါ။
MyFood Myanmar
