သင်္ဘောညွန့် (ကတက်ညွန့်)

Share this on:

ကျောက်ဖြူသူ တစ်ယောက် ရန်ကုန်အလည်ပြန်နေတာမို့ ချက်စားဖြစ်တာလည်းတွေ မတင်တာကြာပါပြီ ။  သင်္ဘောညွန့်လို့ မြင်လိုက်တာနဲ့ သင်္ဘောသီးပင်က အညွန့်လို့ ပြေးမမြင်လိုက်ကြပါနဲ့နော် ။
ကျမတို့ ရခိုင်ဖက်မှာ သင်္ဘောသီးကို ပကာသီး ဟု ခေါ်ဝေါ်သုံးစွဲပြီး ယခုချက်နည်းလေး ရေးမည့် ကတက်ညွန့် (ကတက်ညွန့် မမှန်ဘူးဆိုရင်လည်း သိသူများ အမှန်ပြင်ရေးစေလိုပါသည်) ကိုတော့ သင်္ဘောညွန့် ခေါ်ပါတယ်ရှင် ။
နေရာဒေသအလိုက် အခေါ်အဝေါ်လွဲတဲ့ သဘောပါပဲ ကျမတို့ ရခိုင်ဖက်မှာ အခုအချိန်ဆိုရင် ဈေးမှာ ပေါပေါများများ ၀ယ်လို့ရနိူင်ပေမယ့် ရန်ကုန်မှာဆိုရင် ၀ယ်ရခက်ပါတယ်။  ကြုံတုန်းလေး ဈေးမှာတွေ့လို့ ၀ယ်လာပြီး ရခိုင်ချက် ချက်စားလိုက်ပါတယ် ။

108,1

ပါဝင်ပစ္စည်းများ

  • သင်္ဘောညွန့်
  • ငရုပ်သီးစိမ်း
  • ပုဇွန်ခြောက်မှုန့်
  • ငါးပိ
  • ဆား
  • ဆီ

ချက်ပြုတ်နည်း

  1. ကတက်ညွန့်ရဲ့  ရင့်လို့ စားလို့မရတဲ့ အပိုင်းကို ဖယ်လိုက်ပါ ။  ရေဆေးပြီး အိုးထဲတွင် ထည့်ထားပါ ။  ကိုယ်စားနိုင်မဲ့အစပ် ပမာဏလောက် ငရုပ်သီးစိမ်းတောင့်များကို နှစ်ခြမ်းခွဲ ထည့်ပါ ။
  2. ငါးပိထည့်ပါ ။  ပုဇွန်ခြောက်မှုန့် အနည်းငယ် ၊ ဆီ အနည်းငယ် ( အညွန့်လေးများ နူးအိသွားစေရန် ထည့်ပါသည် ) ၊ ဆား လိုသလောက်ထည့်ပါ ။  ရေကို အညွန့်များ ဖုံးအုပ်အောင် ထည့်ပြီး ချက်ထားပေးပါ ။
  3. ဆူပွက်ပြီး အရည်အနည်းငယ် ကျန်ရုံထိ ချက်ပေးပါ ။ ဆူနေချိန်တွင် အဖုံးဖွင့်ပြီး အပေါ့အငံ မြည်းနိူင်ပါသည် ။ တချို့ လည်း မရမ်းသီးစိမ်း ၊ မကျဉ်းရွက်နုလေးများဖြင့် ချဉ်စပ်အရသာ ချက်စားတတ်ကြပါသည် ။
  4. ကျမမှာတော့ ဘာမှ မရှိတာမို့ အခုလိုလေးပဲ ချက်စားလိုက်ပါတယ်ရှင် ။ ကတက်ညွန့် ချဉ်စပ် ၊ ပဒတ်စာ ချဉ်ရည်ဟင်း ၊ ငါးအိုးကပ်ချက် ၊ ရခိုင်ငရုပ်သီးထောင်း ၊ တို့စရာ တို့ဖြင့် တွဲဖက်ချက်စားရင် အရမ်းကို ထမင်းမြိန်စေတဲ့ ဟင်းတစ်ခွက်ဖြစ်တာမို့ စိတ်ဝင်စားသူများ ချက်စားကြည့်ကြပါလို့ ။ ပျော်ရွှင်ကြပါစေ ။
Credit: KyaukPhyuThu

Review

User Rating

5 (3 Votes)