မီးဖိုချောင်ထဲမှာ အရေးကြီးတဲ့ အရာတွေထဲမှာ ဓါးလည်း ပါပါတယ်။ ဓါးတွေကို နေ့တိုင်း အသုံးပြုနေပေမယ့် ဘယ်နေရာတွေမှာ ဘယ်လို သုံးတယ်ဆိုတာ သတိမပြုမိတတ်ပါဘူး။ ဓါး ၄မျိုး အကြောင်း အရင်ဆုံး ပြောပြချင်ပါတယ်။ အခေါ်အဝေါ်တွေက အင်္ဂလိပ်လိုဖြစ်နေပေမယ့် ဓါးပုံတွေကို ကြည့်ပြီး ဘယ်လို ပုံစံမျိုးဆိုတာ သိနိုင်ပါတယ်။
၁။ chef’s knife
အသုံးပြုပုံ – စားဖိုမှူးတွေရဲ့ ဓါးလို့ ဘာလို့ဆိုလဲ ဆိုတော့ နေ့စဉ်မီးဖိုချောင်ရဲ့ ၉၀% လောက်ကို ဒီ ဓါးနဲ့ပဲ အသုံးပြုတာမို့ပါ။ အများဆုံးကတော့ အသီးအနှံတွေနဲ့ ဟင်းသီးဟင်းရွက်၊ အသားနဲ့ ငါးတွေကို လွှာဖို့ အတွက် သုံးပါတယ်။
အသုံးမပြုရန် – ကြက်၊ ဘဲ၊ ငှက်တွေကို လှှီးဖြတ်တုံးတစ်ဖို့ အသုံးမပြုသင့်ပါဘူး။ အသီးတွေရဲ့ အခွံမာတွေကို နွှာဖို့လည်းမသုံးသင့်ပါဘူး နွှာရတာ ပိုပင်ပန်းပါလိမ့်မယ်။
၂။ Paring Knife
အသုံးပြုပုံ – နုပ်နုပ်စဉ်းဖို့နဲ့ အလွှာလိုက်လှီးဖြတ်ရာမှာ သုံးပါတယ်။ ၈” ၁၀” အရွယ်ကို သေးငယ်ဖို့ လုပ်တဲ့ အခါမှာ သုံးပါတယ် ဥပမာ ကြက်သွန်ဖြူ၊ စတော်ဘယ်ရီ ။ ဘာကြောင့်လဲဆိုတော့ သူ့ရဲ့ အသွားဟာ ၃လက်မခွဲ ရှည်တဲ့ အတွက် ဘယ်အစားအစာမဆို အသေးဆုံးထိ ပြုလုပ်ချင်ရင်တော့ သုံးပါ။
အသုံးမပြုရန် – အရမ်းမာတဲ့ ဟင်းသီးဟင်းရွက်တွေကိုတော့ မလှီးဖြတ်ပါနဲ့ ဥပမာ မုန်လာဥနီလိုမျိုးတွေပါ။ ဘာလို့လဲဆိုတော့ အသီးမာတွေကို လှီးရင် ချော်ထွက်တတ်လို့ပါ။
၃။ လွှသွားပုံဓါး
အသုံးပြုပုံ – အများဆုံး ပေါင်မုန့်တွေကို လှီးတတ်ကြပါတယ်။ တချို့က ပေါင်မုန့်လှီးတဲ့ဓါးလို့လည်း ခေါ်တတ်ကြပါတယ်။ အသွားဟာ ၆လက်မ အထူ ရှိတဲ့ အတွက် မျက်နှာပြင်ချောနေတဲ့ အသီးအနှံတွေကို လှီးရာမှာ ပိုသင့်တော်ပါတယ်။ ဥပမာ ဖရဲသီး၊ ခရမ်းချဉ်သီး၊ နာနတ်သီး၊ လိမ္မော်၊ ရှောက်သီး ..
အသုံးမပြုရန် – ပုံစံကို ကြည့်တာနဲ့ သိမယ့် အချက်ပါ။ ကြက်သွန်နီ၊ ကြက်သွန်ဖြုတို့ကိုတော့ မလှီးဖို့ သတိထားပါ။
၄။ Boning Knife
အသုံးပြုပုံ – အထက်ဆုံး ဓါးလို့တောင် ပြောလို့ရပါတယ်။ ဒါကြောင့် အရိုးဖယ်တဲ့ အခါတွေမှာ သုံးဖို့ကောင်းပါတယ်။ ၃လက်မလောက် ထူတဲ့ ငါးပါးနီတွေကို အရိုးနွှာဖို့ဖြစ်ဖြစ် ဝက်သားတုံးတွေကို အရိုးထုတ်တဲ့ အခါတွေမှာ သင့်တော်ပါတယ်။ အရိုးတစ်ဝိုက် အသားတွေကို လှီးဖြတ်ထုတ်တဲ့ နေရာမှာ အသုံးပြုပါ။
အသုံးမပြုရန် – အရိုးတွေ နွှာဖို့ အတွက်ပဲ သုံးတာ သင့်တော်ပါတယ်။ အရိုးတွေကို ခုတ်ထစ်ဖို့တော့ မသုံးပါနဲ့။
Credit – www.epicurious.com
