၀က်သားနဲ့မျှစ်ချဉ်ဟင်းကို ကြိုက်ကြလို့ အရသာလေးလည်း တမျိုးဖြစ်အောင်ဆိုပြီး ကြက်သားမျှစ်ချဉ်ဟင်းချိုလေးကိုလည်း ချက်စားကြည့်လိုက်ပါတယ်။

ပါဝင်ပစ္စည်းများ

  • နံနံပင်အရိုး – ၃ ပင် (နုပ်နုပ်စဉ်း)
  • ငရုတ်ကောင်း – ၁ ဝက် (လက်ဖက်ရည်ဇွန်း)
  •  ကြက်သွန်ဖြူ – ၂ ဥ (နုပ်နုပ်စဉ်း)
  •  ရေ – ၃ လုံး (တရုတ်ပန်းကန်လုံး)
  • ကြက်ရင်ပုံ – ၃ ကျပ်ခွဲသား (အတုံးလေးများ)
  • မျှစ်ချဉ် (အဖြူ၊ အဝါ) – ၁ တုံးခွဲ (အတုံးလေးများ)
  •  ကြက်သွန်မြိတ် – ၁ ပင် (နုပ်နုပ်စဉ်း)
  • ငံပြာရည် – ၁ ဇွန်း (စားပွဲဇွန်း )
  • ဆား – ၁ ဇွန်း (လက်ဖက်ရည်ဇွန်း )
  • ကြက်သားမှုန့် – ၂ ဇွန်း (လက်ဖက်ရည်ဇွန်း)
  • သကြား – ၂ ဇွန်း (လက်ဖက်ရည်ဇွန်း )
  • ငရုတ်သီး – ၂ တောင့်(နုပ်နုပ်စဉ်း)

ပြင်ဆင်ချက်ပြုတ်နည်း

  1. ဟင်းချိုအိုးထဲတွင် ရေဆူအောင် တည်ထားပါ ။  နံနံပင်အရိုး ၊ ငရုတ်ကောင်း ၊ ငရုတ်သီးနှင့် ကြက်သွန်ဖြူတို့ကို ထည့်ပါ ။
  2.  ကြက်သားနှင့် မျှစ်ချဉ်ကို ထည့်ပါ ။  ကြက်သားများကျက်လျှင် ဆား ၊ သကြား ၊ ငံပြာရည်နှင့် ကြက်သားမှုန့်တို့ကို ထည့်ပါ ။
  3. ကြက်သွန်မြိတ်လေးများ ဖြူးပေးလိုက်ပြီး ချဉ်စပ်အရသာ ကြက်သားမျှစ်ချဉ်ဟင်းချို ရရှိပါပြီ ။

Credit: ချယ်ရီ (Spicy Forest)