ခရမ်းသီးကို နှပ်လည်းမနှပ်ဘူး၊ ချက်လည်းမစားဘူး။ ကိုရီးယားကားတွေထဲကလို ခရမ်းသီးကို အဝိုင်းလေးတွေလှီးပြီး အရသာရှိရှိ ကြော်စားကြမယ်။
ပါဝင်ပစ္စည်းများ
- ခရမ်းသီးရှည် ၂လုံး
- ကြက်ဥ ၁လုံး
- ဂျုံမှုန့် ၂ခွက် (လက်ဖက်ရည်ပန်းကန်)
- ဘီယာ ၁ခွက် (လက်ဖက်ရည်ပန်းကန်)
- ဂျင်း ပါးပါး (၂) ချပ်
ပြုလုပ်နည်း
ကြက်ဥ၊ ဂျုံမှုန့်၊ ဂျင်းထောင်းရည် နှင့် ဘီယာကို မုန့်နှစ်ရည်ဖြစ်သည် အထိခေါက်ပါ။
ငရုတ်ကောင်းမှုန့်လေး အနည်းငယ် ထည့်မွှေပေးပါ။
မထူမပါး လှီးထားသော ခရမ်းသီးဝိုင်းလေးတွေကို မုန့်နှစ်ရည်မှာနှစ်ပြီး ရွှေရောင်ရအောင် ကြော်ယူဆီစစ်ပါ။
ဒိန်ချဉ်ဆော့စ်နှင့် တို့စားပါ။
Credit: ဟင်းချက်နည်းများ