အိန္ဒိယ တောင်ပိုင်းသားတွေက သတ်သတ်လွတ်လွတ်ပဲ စားပြီး ဆန်ကို ဂျုံထက် ပိုစားကြတယ် ။ မဒ္ဒရတ်လို တောင်ပိုင်း မြို့တွေ သွားလည်ရင် ထမင်းကို အသီးအရွက် အမွှေးနံ့သာတွေနဲ့ ပေါင်းထားပြီး သီးစုံ ပဲကုလားဟင်း ၊ မလုတ်တနီ ၊ဟင်ရွးက်စုံကြော် ၊ အာလူး ၊ ဆင်ခေါင်းပဲ စတဲ့ အရံဟင်း စုံစုံလင်လင်နဲ့ ဒိန်ချဉ်တွေ ပါတဲ့ ထမင်းပွဲတွေ ကြုံရလိမ့်မယ် ။သူတို့က အရံဟင်း အသီးအရွက်ကြော်တွေကို ဟင်းခတ် အမွှေးအကြိုင် အမှုန့်သုံးလေးမျိုးနဲ့ နယ်ပြီး ကျွတ်ခြောက်နေအောင် ချက်လေ့ရှိတယ် ။ အားလုးတို့ ပန်းပွင့်တို့ဆို အရင်ပြုတ်ပြီး ခပ်ခြောက်ခြောက်လေး ပြန်ချက်လေ့ရှိတယ် ။ အရွက်တွေဆို အကြော်မှုန့်တွေ လူးပြီး အကြွတ်ကြော်တယ် ။
အခုမြန်မာတွေ အရမ်းစားလေ့ရှိတဲ့ ရုံးပဒေသီးကို အင်ဒီယန်းတွေ ဘယ်လိုချက်လဲ ပြမယ်နော်။
ပါဝင်ပစ္စည်းများ
- ရုံးပဒေသီး
- အကြော်မှုန့်
- ဆား
- ငရုတ်သီး အရောင်တင်မှုန့်
- မဆလာ
- ရေ
- ဆီ
ပြင်ဆင်ပြုလုပ်နည်း
- ရုံးပဒေသီး အကြွတ်ကြော်ဘို့ ကြိုက်ရာ အကြော်မှုန့်သုံးပါ ။
- အကြော်နည်း နှစ်မျိုးရှိပါတယ် ။
- အကြော်မှုန့်ထဲကို ဆား ၊ ငရုတ်သီး ၊ အရောင်တင်မှုန့် နဲ့ မဆလာတွေ ထည့်ဖျော်ပြီး တပုဂံ ထားပါ ။
- အကြော်မှုန့် ထည့်ပြီး တပုဂံထားပါ ။
- လှီးထားတာတွေကို မုန့်နှစ် အရည်နဲ့ လူးပါမယ် ။
- အမှုန့်ပြန်လူးပါမယ် ။ နှစ်ခါပြန် ပြန်လုပ်ပါမယ် ။
- နောက်တနည်းက ရုံးပဒေသီး လှီးထားတဲ့ အထဲ ဆား ၊ ငရုတ်သီး အရောင်တင်မှုန့် ၊ မဆလာနဲ့ အကြော်မှုန့်ကို ထည့်နယ်တာပါ ။ ရေကို နယ်လို့ ကောင်းရုံ ပါလေရုံထည့် ပြီးရင် ဆီပူထဲ ထည့်ကြော်ပါ ။
Credit: Food Madness
