ပါဝင်ပစ္စည်းများ

  • ပုဇွန်
  • ငရုတ်ချဉ် သုံးဇွန်း
  • ပဲငံပြာရည် အကြည် တဇွန်း
  • သုံပုရာသီး တလုံး (ညှစ်)
  • ဆီ တဇွန်း
  • ကြက်သွန်ဖြူ သုံးမွှာ (ထောင်း)
  • သကြားတဇွန်း
  • ဆား
  • ငရုတ်ကောင်း
  • ကြက်ဥ
  • ဆီ
  • ကော်ပြန့်ဖတ်

ပြင်ဆင်ပြုလုပ်နည်း

  1. ပုဇွန်တွေကို အခွံခွာပြီး အလယ်အူကြောင်း ထုတ်ပါ။ အမြှီးတွေ ချန်ထားပါ။ ပထမဆုံး ပုဇွန်တွေလူးကြော်ဘို့ ဆော့စ်အစပ် ဖျော်ပါမယ်။
  2. ပုဂံလုံးထဲ ငရုတ်ချဉ် သုံးဇွန်း (ကြိုက်ရာ Hot Sauce သုံးပါ. ချဉ်ပြီး စပ်ရင်ပြီးရော) ပဲငံပြာရည် အကြည် တဇွန်း၊ သုံပုရာသီး တလုံး (ညှစ်)၊ ဆီ တဇွန်း၊ ကြက်သွန်ဖြူ သုံးမွှာ (ထောင်း)၊ သကြားတဇွန်း၊ ဆားနဲ့ ငရုတ်ကောင်း သင့်ရုံ.ထည့်ပါ။ သံပုရာခွံ နည်းနည်း ခြစ်ထည့်ပါ။ အစပ်ပိုကြိုက်ရင် ငရုတ်သီးစိမ်း ထောင်းထည့်ပါ ။
  3. ထို့နောက် ဖျော်ထားတဲ့ ဆော့စ်ထဲ ပုဇွန်တွေ စိမ်ပြီး နာရီဝက် ထားပါ။ ပြီးရင်  ကော်ပြန့်ဖတ်ထဲ ထည့်လိပ်ပါ။ ကော်ဖတ်ကို လေးထောင့်အဖတ် (သို့) အဝိုင်း အဆင်ပြေတာ သုံးလို့ရပါတယ်။ နှုတ်ခမ်းသားတွေကို ပွင့်မထွက်အောင် ထုံးစံအတိုင်း ကြက်ဥရည်နဲ့ ပိတ်ပါ။ ဆီပူထဲ အရောင်ရဲသည်အထိ ထည့်ကြော်ပါ။ ကျက်ရင် ဆီစစ်ပြီး စားလို့ရပါပြီ။ ယိုဒယား Sweet & Spicy Chilli Sauce (Thai Style) နဲ့ တွဲစားရင် အင်မတန်လိုက်ပါတယ်။

ကော်ပြန့်ဖတ် သုံးနော်။ ဖက်ထုတ်ဖတ် မဟုတ်ဘူး။

Credit: Food Madness