ပါဝင်ပစ္စည်းများ
- ကင်ချီ – ၄၅၀ ဂရမ်
- ဝက်သား – ၂၃၀ ဂရမ်
- ရေ – ၄၇၀ မီလီလီတာ
- ကင်ချီ အရည် – ၆၀ မီလီလီတာ
- ပဲပြားအသေး – ၁ တုံး
- ကြက်သွန်မြိတ် – ၃ ပင်
- ငရုပ်သီးမှုန့် – ၁ ဇွန်း (စားပွဲတင်ဇွန်း) နှင့်ငရုပ်သီးအနီတောင့် – ၁ တောင့်
- နှမ်းဆီ – ၂ ဇွန်း (စားပွဲတင်ဇွန်း)
- ကြက်သွန်ဖြူ – ၆ မွှာ
- ဆား + ငရုပ်ကောင်းမှုန့် – (အနည်းငယ်)
ပြင်ဆင် ပြုလုပ်နည်း
၁။ ပထမဆုံး ဝက်သားကို ရေဆေးကာ အနေတော် အရွယ် အတုံးလေးများ တုံးပြီး ပန်းကန် တစ်ခုထဲသို့ ထည့်၍ ကြက်သွန်ဖြူ ၃ မွှာကို ခပ်နုပ်နုပ်လေးများ ဖြစ်အောင် ဓားဖြင့် စဉ်းပြီး ထည့်ပါ ။ နှမ်းဆီ တစ်ဇွန်း နှင့် ဆား+ ငရုပ်ကောင်းမှုန့် အနည်းငယ်စီ ထည့်ပြီး ဝက်သားကို နယ်ထားကာ ၁၀ မိနစ်ခန့်နှပ်ထားပါ ။
၂။ ထို့နောက် ဒယ်အိုး တစ်ခုထဲသို့ နှမ်းဆီ တစ်ဇွန်း ထည့်ပြီး ဝက်သားများကို ၃ မိနစ်ခန့် ထည့်ကြော်ပါ ။ ကင်ချီထည့်ပါ (ကင်ချီသည် အနည်းငယ် ချဉ်နေပြီးသော ကင်ချီ ဖြစ်ရပါမည် ။) ငရုပ်သီးမှုန့် ၁ ဇွန်း ထည့်ပြီး ၃- မိနစ်ခန့် ကြော်ပါ ။ မွှေးလာပါက ရေကို ပါဝင် အချိုးအစား အတိုင်း ထည့်ပါ ။ ကင်ချီ အရည်ပါ ထည့်ပြီး ကျန်ရှိနေသည့် ကြက်သွန်ဖြူ ၃မွှာကို နုပ်နုပ်စဉ်း ထည့်ပါ ။ ဆား အနည်းငယ် ထည့်၍ အဖုံးပိတ်ပြီး ၁၀-မိနစ်ခန့် မီး တစ်ဝက်ချပြီး ပေါင်းပါ ။
၃။ ၁၀-မိနစ်ပြည့်ပါက ပဲပြားကို အပြားလိုက် လှီးထည့်ပြီး ၅ မိနစ်ခန့် အဖုံး ပြန်ပိတ်ထားပါ ။ ထို့နောက် ကြက်သွန်မြိတ် လှီးထည့်၍ ငရုပ်ကောင်းမှုန့် အနည်းငယ် ဖြူ းကာ ငရုပ်သီးစိမ်းကို ခပ်ပါးပါးလှီးထည့်ပါ ။ (စပ်စပ်လေး သောက်ချင်ပါက ငရုပ်သီးစိမ်းပိုပြီး လှီးထည့်နိုင် ပါသည်။) ၂ မိနစ်ခန့် အဖုံးအုပ်၍ တည်ထားပြီး အရသာမြည်းကာ အသင့် စားသုံးနိုင်ပါသည် ။ (ကိုရီးယား ရိုးရာ ဟင်းပွဲဖြစ်ပြီး ချဉ်ချဉ်စပ်စပ် အရသာ ရှိကာ အလွန်သောက်လို့ ကောင်းလှပါသည် ။)
Credit: ဇွဲသုသု
