[Unicode]

အားလုံးပဲမင်္ဂလာပါ။အရသာရှိပြီး ခံတွင်းတွေ့စေမယ့် ဟင်းလျာတွေကိုမှကိုယ်တိုင်ချက်ပြုတ်သုံးဆောင်ချင်တဲ့သူတွေအတွက် အရသာထူးကဲပြီး စားမြိန်စေမယ့် ထိုင်းစတိုင် အုန်းနို့ နာနတ်သီးပုဇွန်ဟင်းလျာချက်ပြုတ်နည်းလေးကို မျှဝေပေးချင်ပါတယ်။

ပါဝင်ပစ္စည်းများ

  • ကျားပုဇွန်အကောင်ကြီး ၆၀၀ ဂရမ်
  • နာနတ်သီး ၅၀၀ ဂရမ်
  • ငရုပ်သီးစိမ်း ၃ တောင့်
  • ငရုပ်သီးအနီ ၁ တောင့်
  • ကြက်သွန်နီသေး ၆ လုံး
  • ကြက်သွန်ဖြူ ၅ မွှာ
  • ဂျင်းအနည်းငယ်
  • နနွင်းစားပွဲတင်ဇွန်း ဇွန်းတစ်ဝက်ခန့်
  • ရှောက်ရွှက် ၂ ရွှက်
  • ခရမ်းသီးအသေး ၄ လုံး
  • အုန်းနို့ ၁၀၀ မီလီမီတာ
  • ရေ ၁ ခွက်
  • ဟင်းသီးဟင်းရွှက်ဆီ

ချက်ပြုတ်နည်းအဆင့်ဆင့်

(၁) အရင်ဆုံး နာနတ်သီးကိုအခွံခွာပြီး အလယ်အူတိုင်ထုတ်ရပါမယ်။သန့်စင်ပြီးသားနာနတ်သီးကို ကုဗတုံးပုံစံ သို့မဟုတ် အလျားလိုက်အတုံး လေးတွေကို မိမိစိတ်ကြိုက်ပုံစံအတိုင်း လှီးဖြတ်ပေးပါ။ခရမ်းသီးကိုလည်း ထို့နည်းအတူအလျားလိုက်အနေတော်အတုံးလေးတွေတုံးပေးပါ။

(၂) ထို့နောက် ကြက်သွန်နီ ကြက်သွန်ဖြူ ရှောက်ရွှက် ဂျင်း ငရုတ်သီးစိမ်း တို့ကို ကြိတ်စက်ထဲရောထည့်ပြီးကြိတ်ပေးပါ။ကြိတ်စက်အတွင်းသို့ ဟင်းရွှက်ဆီတစ်ဇွန်းခန့်ထည့်၍ ကြိတ်ပေး ပေးနိုင်ပါတယ်။ကြိတ်ပြီး ရလာတဲ့အနှစ်ကိုတော့ ပန်းကန်တစ် ခုအတွင်းပြောင်းထည့်လိုက်ပါ။

 

(၃) ပုဇွန်ရဲ့အမြှီးနဲ့ခေါင်းကိုဖြုတ်ပြီး ကျောရိုးအလယ်မှာရှိတဲ့အမဲချောင်းလေးကိုလည်း ဖယ်ထုတ်ပြီးရေဆေးကြောသန့်စင်ပေးရပါမယ်။ဟင်းအရသာပိုကောင်းစေချင်ရင်တော့ ပုစွန်ရဲ့ခေါင်းကိုပြန်လည်အသုံးပြုနိုင်ပါတယ်။

(၄) ထို့နောက် ဒယ်အိုးကို မီးအနေတော်ဖြင့်အပူပေးပါ။ဒယ်အိုးပူလာပြီဆိုရင်တော့ ဟင်းသီးဟင်းရွှက်ဆီ ၃ ဇွန်းခန့်ထည့်ပြီး ခုနကကြိတ်ထားတဲ့ အနှစ်ကိုထည့်ကာ ဆီသပ်ပေးပါ။ ၇ မိနစ်ခန့်ဆီသပ်ပြီး အနံ့မွှေးလာပြီဆိုရင်တော့ လှီးထားတဲ့ နာနတ်သီးနဲ့ခရမ်းသီးကိုထည့်ပြီးမွှေပေးပါ။၁မိနစ်ခန့်မွှေပေးပြီးရင်တော့ ရေအနည်းငယ်ထည့်ပြီး အဖုံးအုပ်ကာ ၁၀ မိနစ် ဝန်းကျင်လောက်တည်ထားပေးလိုက်ပါ။

(၅) ၁၀ မိနစ်ပြည့်ရင် ပုစွန်နဲ့ အုန်းနို့ထပ်ရောထည့်ပြီး မွှေပေးရပါမယ်။ပုစွန်နဲ့အုန်းနို့ထည့်ပြီး နောက်ထပ် ၁၀ မိနစ်ခန့်ချက် ပေးထားရပါမယ်။ဒါဆိုရင်တော့ အုန်းနို့အရသာဆိမ့်ဆိမ့်လေးနဲ့ နာနတ်သီးပုဇွန်ချိုချဉ်ဟင်းလျာလေးကိုအသင့်သုံးဆောင်နိုင်ပြီဖြစ်ပါတယ်။

Source : Asianfoodnetwork

[Zawgyi]

အားလုံးပဲမဂၤလာပါ။အရသာရွိၿပီး ခံတြင္းေတြ႕ေစမယ့္ ဟင္းလ်ာေတြကိုမွကိုယ္တိုင္ခ်က္ျပဳတ္သုံးေဆာင္ခ်င္တဲ့သူေတြအတြက္ အရသာထူးကဲၿပီး စားၿမိန္ေစမယ့္ ထိုင္းစတိုင္ အုန္းႏို႔ နာနတ္သီးပုဇြန္ဟင္းလ်ာခ်က္ျပဳတ္နည္းေလးကို မွ်ေဝေပးခ်င္ပါတယ္။

ပါဝင္ပစၥည္းမ်ား

  • က်ားပုဇြန္အေကာင္ႀကီး ၆၀၀ ဂရမ္
  • နာနတ္သီး ၅၀၀ ဂရမ္
  • င႐ုပ္သီးစိမ္း ၃ ေတာင့္
  • င႐ုပ္သီးအနီ ၁ ေတာင့္
  • ၾကက္သြန္နီေသး ၆ လုံး
  • ၾကက္သြန္ျဖဴ ၅ မႊာ
  • ဂ်င္းအနည္းငယ္
  • နႏြင္းစားပြဲတင္ဇြန္း ဇြန္းတစ္ဝက္ခန႔္
  • ေရွာက္႐ႊက္ ၂ ႐ႊက္
  • ခရမ္းသီးအေသး ၄ လုံး
  • အုန္းႏို႔ ၁၀၀ မီလီမီတာ
  • ေရ ၁ ခြက္
  • ဟင္းသီးဟင္း႐ႊက္ဆီ

ခ်က္ျပဳတ္နည္းအဆင့္ဆင့္

(၁) အရင္ဆုံး နာနတ္သီးကိုအခြံခြာၿပီး အလယ္အူတိုင္ထုတ္ရပါမယ္။သန႔္စင္ၿပီးသားနာနတ္သီးကို ကုဗတုံးပုံစံ သို႔မဟုတ္ အလ်ားလိုက္အတုံး ေလးေတြကို မိမိစိတ္ႀကိဳက္ပုံစံအတိုင္း လွီးျဖတ္ေပးပါ။ခရမ္းသီးကိုလည္း ထို႔နည္းအတူအလ်ားလိုက္အေနေတာ္အတုံးေလးေတြတုံးေပးပါ။

(၂) ထို႔ေနာက္ ၾကက္သြန္နီ ၾကက္သြန္ျဖဴ ေရွာက္႐ႊက္ ဂ်င္း င႐ုတ္သီးစိမ္း တို႔ကို ႀကိတ္စက္ထဲေရာထည့္ၿပီးႀကိတ္ေပးပါ။ႀကိတ္စက္အတြင္းသို႔ ဟင္း႐ႊက္ဆီတစ္ဇြန္းခန႔္ထည့္၍ ႀကိတ္ေပး ေပးႏိုင္ပါတယ္။ႀကိတ္ၿပီး ရလာတဲ့အႏွစ္ကိုေတာ့ ပန္းကန္တစ္ ခုအတြင္းေျပာင္းထည့္လိုက္ပါ။

 

(၃) ပုဇြန္ရဲ႕အျမႇီးနဲ႔ေခါင္းကိုျဖဳတ္ၿပီး ေက်ာ႐ိုးအလယ္မွာရွိတဲ့အမဲေခ်ာင္းေလးကိုလည္း ဖယ္ထုတ္ၿပီးေရေဆးေၾကာသန႔္စင္ေပးရပါမယ္။ဟင္းအရသာပိုေကာင္းေစခ်င္ရင္ေတာ့ ပုစြန္ရဲ႕ေခါင္းကိုျပန္လည္အသုံးျပဳႏိုင္ပါတယ္။

(၄) ထို႔ေနာက္ ဒယ္အိုးကို မီးအေနေတာ္ျဖင့္အပူေပးပါ။ဒယ္အိုးပူလာၿပီဆိုရင္ေတာ့ ဟင္းသီးဟင္း႐ႊက္ဆီ ၃ ဇြန္းခန႔္ထည့္ၿပီး ခုနကႀကိတ္ထားတဲ့ အႏွစ္ကိုထည့္ကာ ဆီသပ္ေပးပါ။ ၇ မိနစ္ခန႔္ဆီသပ္ၿပီး အနံ႔ေမႊးလာၿပီဆိုရင္ေတာ့ လွီးထားတဲ့ နာနတ္သီးနဲ႔ခရမ္းသီးကိုထည့္ၿပီးေမႊေပးပါ။၁မိနစ္ခန႔္ေမႊေပးၿပီးရင္ေတာ့ ေရအနည္းငယ္ထည့္ၿပီး အဖုံးအုပ္ကာ ၁၀ မိနစ္ ဝန္းက်င္ေလာက္တည္ထားေပးလိုက္ပါ။

(၅) ၁၀ မိနစ္ျပည့္ရင္ ပုစြန္နဲ႔ အုန္းႏို႔ထပ္ေရာထည့္ၿပီး ေမႊေပးရပါမယ္။ပုစြန္နဲ႔အုန္းႏို႔ထည့္ၿပီး ေနာက္ထပ္ ၁၀ မိနစ္ခန႔္ခ်က္ ေပးထားရပါမယ္။ဒါဆိုရင္ေတာ့ အုန္းႏို႔အရသာဆိမ့္ဆိမ့္ေလးနဲ႔ နာနတ္သီးပုဇြန္ခ်ိဳခ်ဥ္ဟင္းလ်ာေလးကိုအသင့္သုံးေဆာင္ႏိုင္ၿပီျဖစ္ပါတယ္။

Source : Asianfoodnetwor