ထိုင်းဘာသာစကားအရ တုမ့်ခရုမ်းလို့ အဓိပ္ပါယ်ရပြီး တုမ့်ယမ်းအုပ်စုမှာ ပါဝင်ပေမယ့် ဖတ်ကဖောင်ခေါ်တဲ့ ယိုးဒယားပင်စိမ်းရွက်၊ ငရုတ်ခြောက်တောင့်ကြော်၊ မန်ကျည်းမှည့်ရည် စသည်တို့ကြောင့် အရသာကို ပိုမိုမွှေးပျံ့ထူးခြားစေပါတယ်။ ထိုင်းနိူင်ငံမြောက်ပိုင်း တောင်ပေါ်သားတွေ စားလေ့ရှိတဲ့ ချဉ်စပ်ဟင်းရည်ကြည် ပုံစံလည်းဖြစ်ပါတယ်။
ပါဝင်ပစ္စည်းများ
- ငါးကြပ်ကင် – ၂ ကောင်
- အရိုးပြုတ်ရည်ကြည် – ၁ လီတာခွဲခန့်
- ကြက်သွန်နီ – ၂ လုံး
- ကြက်သွန်ဖြူ – အနည်းငယ်
- ခရမ်းချဉ်သီး – ၂ လုံး
- စပါးလင် – ၃ ချောင်း
- ပဒဲကော – ၁ တက်
- ရှမ်းနံနံ – ၅ ပင်ခန့်
- ဖတ်ကဖောင်ရွက်ခြွေပြီး – လက်တစ်ဆုပ်ခန့်
- ငရုတ်ခြောက်တောင့်ကြော် – ၇ တောင့်
- ငရုတ်သီးစိမ်း – ၃ တောင့်
- ငါးငံပြာရည်
- သကြား
- ဟင်းခတ်မှုန့်
- မန်ကျည်းမှည့်ရည်
- ထိုင်းပင်စိမ်းရွက်
ပြင်ဆင်ပြုလုပ်နည်း
မိမိနှစ်သက်သော ငါး (ငါးကြင်း၊ ငါးခူ ၊ ငါးရံ့) အနေတော်နှစ်ကောင်ကို ရေဆေးသန့်စင်ပြီး အရသာအနည်းငယ် နယ်ပြီး (၁၅) မိနစ်ခန့် နှပ်ထားပါ။ ထိုစဉ်အတွင်း အရိုးပြုတ်ဟင်းရည်ကြည် ရရန် အရိုးပြုတ်ထားပါ။
အရသာနယ်ထားတဲ့ ငါးကို မီးအေးအေးမှာ ခပ်မြှင့်မြှင့်တင်ပြီး ကြပ်တိုက်ခြောက်ပုံစံ ရအောင်ကင်ယူပါ။ အအေးခံပြီး အသားနွှင်ထားပါ။ ကြက်သွန်နီ၊ဖြူကို လေးစိတ်ခွဲလှီးပြီး၊ ပဒဲကော၊ စပါးလင်၊ ရှမ်းနံနံတို့ကို ပါးပါးလှီးပါ။ ငရုတ်ခြောက်တောင့်ကို မွှေးအောင်ကြော်ယူပါ။
ချက်ပြုတ်မယ့် အိုးထဲကို ဟင်းရည်ကြည်ကို အပူပေးပါ။ ပါးပါးလှီးထားတဲ့ စပါးလင်၊ ပဒဲကောနှင့် ဓားပြားရိုက်ထားတဲ့ ငရုတ်သီးစိမ်း၊ လေးစိတ်ခွဲလှီးထားသောကြက်သွန်နီ၊ ခရမ်းချဉ်သီးတွေ ထည့်ပါ။
ငါးငံပြာရည်၊ သကြား၊ ဟင်းခတ်မှုန့်၊ မန်ကျည်းမှည့်ရည်တို့ဖြင့် အရသာသွင်းပါ။ ငရုတ်ခြောက်တောင့်ကြော် ၄တောင့်ခန့်ကို ဖဲ့ခြွေပြီး ထည့်ပါ။
မိမိနှစ်သက်တဲ့ ချို ၊ ချဉ်၊ ငံ၊ စပ်အရသာကို ချိန်ညှိယူပြီးပြီဆိုတာနဲ့ အသားနွှင်ထားတဲ့ ငါးကြပ်ကင်နှင့် ထိုင်းပင်စိမ်းရွက် တစ်ဝက်ခန့်ကို ထည့်ပေးပါ။ မီးရှိန်အေးအေးမှာ (၁၀) မိနစ်ခန့် ဟင်းရည်ကျအောင် တည်ထားပေးပါ။
စားသုံးတော့မယ်ဆိုရင် လက်ကျန်ဖတ်ကဖောင်ပင်စိမ်းနှင့် ငရုတ်ခြောက်တောင့်ကြော်တို့နှင့် အလှဆင်ပါ။
Photo Credit: Daw Nway (မြဝတီ) အောင်ဇဗ္ဗူလင်းအပန်းဖြေဥယျာဉ်။
