ဝက်အူချို ပြုတ်နည်းလေး ပြောပြပါမယ်။ ဝက်အူချိုကိုဝယ်ရင် အတွဲလိုက်ဝယ်ပါ။ အတုံးများ မတုံးပါနဲ့။ တုံးပြီးမှ ချက်ရင် နူးရန်ကြာလို့ပါ။
ပါဝင်ပစ္စည်းများ
- ဝက်အူချို
- ဝက်သုံးထပ်သား
- ဆား
- ရှာလကာရည်
- ရေ
- သကြား
- ကြက်သားမူန့်
- ပဲနောက်ရည်
- ပဲအကြည်ရည်
- ဂျင်း
- ကြက်သွန်ဖြူ
- နာနတ်ပွင့်
- စမုံစပါး
- ဆီ
- ငြုတ်ကောင်းမူန့်
- အချဉ်ရည်
- ကြက်ဥပြုတ်
ပြုလုပ်နည်း
အူချို အတွဲလိုက်ကို ဆားနဲ့ရှာလကာရည် ထည့် နာနာနယ်ပြီး ရေနဲ့ ဆေးချပါ။
ရေဆေးပြီးတဲ့ အူချိုများကို ပြုတ်မည့်အိုးထဲ ထည့် ၊ သကြား ၊ ကြက်သားမူန့် ၊ ပဲနောက်ရည် ၊ ပဲအကြည်ရည် ၊ ဂျင်း ကြက်သွန်ဖြူ ထုထည့် ၊ နာနတ်ပွင့်နဲ့ စမုံစပါး နဲနဲထည့် ဆီနဲနဲထည့် ၊ ရေမြုပ်အောင် ထည့်ပြီး နူးအောင်ပြုတ်ပါ။
ဝက်သုံးထပ်သား ပါ ထည့်ပြုတ်ပါ။ နူးပြီး ဆီပြန်ခါနီးမှ အရသာ မြည်းပြီး ငြုတ်ကောင်းမူန့် ဖြူးပါ ။ ဒါဆို ဘာညှီနံ့မှ မရဘဲ မွှေးနေပါတယ်။
နူးပြီး ဆီပြန် ၊ အရောင် ရဲလာရင် အတွဲလိုက် ဘန်းထဲထည့် အအေးခံပြီးမှ အူချို အတွဲကို ကြိုက်သလို ကပ်ကြေးနဲ့ညှပ် အချဉ်ရည်နဲ့တို့စားပါ။
ကြက်ဥကိုပြုတ် အခွံခွာပြီး အူချို ဆီကျန်ရေကျန် အချိန်မှာ ကြက်ဥပြုတ်တွေ ထည့် လှိမ့်ပြီး ညိုရောင် သန်းရင် ဆယ်ပြီး လေးခြမ်းစိတ်ပြီး ထည့်ပါ။
Credit: Ohnmar Kyi
