[Unicode]

သင့်အနေနဲ့ မီးဖိုချောင်တွင်း မကြာခဏသုံးလေ့ရှိတဲ့ ပစ္စည်းများကိုအသုံးပြုပြီး အချိန်ကုန်သက်သာစေမည့် နည်းလမ်းများကို ပြုလုပ်သင့်ပါတယ်။

၁။ သစ်သီးဖျော်စက် သန့်ရှင်းရေးပြုလုပ်နည်း

စာရေးဆရာ Jill Grimes နဲ့ သမားတော်များ အကြံပြုထားတဲ့ သစ်သီးဖျော်စက်သန့်ရှင်းနည်းကို ဖော်ပြချင်ပါတယ်။ သစ်သီးဖျော်စက်ထဲမှ ဖျော်ရည်ကို ခွက်ထဲသို့လောင်းထည့်ပြီးပါက ပန်ကန်ဆေးဆပ်ပြာဆီ (၁) စက်ခန့်နဲ့ ရေအတန်ငယ်ထည့်ပြီး မူလစက်ပေါ်သို့ပြန်တင်၍ စက္ကန့် (၂၀) ခန့်မွှေပေးပါ။ ထို့နောက် ရေလောင်းချပြီး သစ်သီးဖျော်စက်တစ်ခုလုံး သန့်ရှင်းသွားမှာ ဖြစ်ပါတယ်။

၂။ မိုက်ခရိုဝေ့ဗ် (အလုံပိတ်မီးဖို) အလွယ်တကူ သန့်ရှင်းနည်း

မိုက်ခရိုဝေ့ဗ် (အလုံပိတ်မီးဖို) အလွယ်သန့်ရှင်းနည်းကတော့ မီးဖိုထဲသို့ ရေစိုစက္ကူ လက်တစ်ဆုပ်စာ ထည့်ပြီး ၃ မိနစ်မှ ၅ မိနစ်ခန့်အထိ အပူချိန်အမြင့်ဆုံးနဲ့ ထားရမှာဖြစ်ပါတယ်။ စက္ကူစမှ ရေငွေ့များက ချေးညော်များကို ပျော့ပြောင်းလာစေမှာဖြစ်ပါတယ်။ ဒါ့အပြင် စက္ကူစ အအေးခံပြီးတာနဲ့ အတွင်းပိုင်းတွေကို သုတ်လို့ရပါသေးတယ်။

၃။ အနံ့အချို့ဖယ်ထုတ်လိုချင်တယ်ဆိုရင်တော့ ရေ ၁ ခွက်၊ သံပုရိုရည် ၁/၂ ခွက်တို့ကို ပန်းကန်လုံးထဲမှာ ရောစပ်ပြီး ၃ မိနစ်မှ ၅ မိနစ်ခန့်အထိ အပူချိန်အမြင့်ဆုံးနဲ့ ထားရမှာဖြစ်ပါတယ်။ မီးဖိုထဲမှာ ထိုခွက်ကို ဖယ်မထုတ်ခင် ၅ မိနစ်မှ ၁၀ မိနစ်ခန့်အထိ မီးဖိုထဲမှာ ဆက်လက်ထားရှိရမှာဖြစ်ပါတယ်။

၄။ ကော်ဖီအိုး သန့်ရှင်းရေးပြုလုပ်နည်း

ကော်ဖီဖျော်စက်တွေမှာအသုံးပြုတဲ့ခွက်တွေက အချိန်ကြာလာသည်နှင့်အမျှ အညိုရောင် အဖုအပိန့် အစက်အပျောက်များ အလွယ်တကူထွက်လာနိုင်ပါတယ်။ အထူးသဖြင့် အသုံးမပြုဘဲ အချိန်ကြာကြာထားမိပါက ပို၍ ဖြစ်လွယ်တာကို တွေ့ရပါတယ်။ ထိုအကွက်တွေကို လျင်လျင်မြန်မြန်ပျောက်ဖို့ ရေခဲတုံးအနည်းငယ်၊ ဆားနဲ့ သံပုရိုသီးတို့အသုံးပြုနိုင်ပါတယ်။ ပထမဆုံး ရေနွေးအိုးထဲသို့ ရေခဲ လေးပုံတစ်ပုံခန့်ထည့်ပါ။ သံပရိုသီးအား လေးစိတ်ကွဲခွဲ၍ နှစ်စိတ်ခန့်ကို အိုးထဲသို့ ညှစ်ထည့်ပါ။ ဆားကို စားပွဲတင်ဇွန်းနှစ်ဇွန်းခန့်ထည့်ပါ။ ထို့နောက်အိုးထဲရှိ ဖျော်ရည်ကို ၂ မိနစ်ခန့်မွှေနေစဉ်အတွင်း အိုးအတွင်းရှိ အညစ်အကြေးများ လျင်လျင်မြန်မြန် သန့်ရှင်းသွားသည်ကိုတွေ့မြင်ရမှာဖြစ်ပါတယ်။ အညစ်အကြေးများ သန့်ရှင်းသွားပါက ရေလောင်း၍ ဆေးကြောနိုင်ပြီဖြစ်ပါတယ်။

၅။ သံကြွပ်ဒယ်အိုးအား သန့်ရှင်းရေးပြုလုပ်နည်း

သံကြွပ်ဒယ်အိုးရဲ့ ဆီဝနေတဲ့ မျက်နှာပြင်ကိုထိန်းသိမ်းနိုင်ဖို့ ဆပ်ပြာဆီ မသုံးရန်နှင့် ပွတ်တိုက်ခြင်းမပြုလုပ်ရန် စားဖိုမှုးများသတိထားလေ့ရှိပါတယ်။ ထိုဒယ်အိုးများကို သန့်ရှင်းရေးပြုလုပ်လိုပါက ဆားကို အသုံးပြုလို့ရပါတယ်။ စက္ကူစပေါ်တွင် ဆားအနည်းငယ်ဖြူးပြီးဒယ်အိုးမျက်နှာပြင်ကို ပွတ်၍ ရေဆေးခြင်းဖြင့် သန့်ရှင်းနိုင်ပါတယ်။ ထို့နောက် ဒယ်အိုးမျက်နှာပြင်ကို ဆီပြန်လည်သုတ်ခြင်းဖြင့် ပြန်လည်ထိန်းသိမ်းနိုင်ပါတယ်။

၆။ ကော်ဖီအမှုန့်ကြိတ်စက်အား သန့်ရှင်းနည်း

သင့်အနေဖြင့် အမှုန့်ကြိတ်စက်အား ကော်ဖီစေ့အစား အခြားပစ္စည်းများကို အမှုန့်ကြိတ်လေ့ရှိတယ်ဆိုရင်ဖြင့်မချက်ပြုတ်ရသေးသည့် ဆန်စေ့လက်တစ်ဆုပ်စာကို ကော်ဖီအစေ့ကြိတ်စက်ထဲသို့ထည့်၍ ကြိတ်ပါက အလွယ်တကူသန့်ရှင်းစေမှာ ဖြစ်ပါတယ်။ငရုတ်ကောင်းမှုန့်၊ လေးညှင့်ပွင့် စတဲ့ အနံ့တွေက အလွယ်တကူ မပျောက်လွယ်တဲ့အတွက် ကော်ဖီကျွမ်းကျင်သူအချို့ကတော့ ဟင်းခတ်အမွှေးအကြိုင်များ ထည့်မကြိတ်ရန် အကြံပြုကြပါတယ်။

၇။ဒိန်ခဲပြုလုပ်သည့် အပူခံ သံပြားအား သန့်ရှင်းနည်း

အပူခံပြားရှိ သေးငယ်သည့်အပေါက်လေးများမှ အမှုန်များကိုလွယ်ကူစွာဖယ်ထုတ်နိုင်ရန် သန့်ရှင်းသည့် ဝက်မှင်ဘီး(brush) တစ်ခုထားပါ။၎င်းနည်းကို အသုံးပြုခြင်းဖြင့် အပူခံသံပြားနှစ်ဖက်လုံးကို သိသိသာသာ သန့်ရှင်းလာစေမှာဖြစ်ပါတယ်။

၈။ အမှိုက်သရိုက်များကို ပိုးသတ်ခြင်း

ရှာလကာရည်နှင့် ရေ အချိုးကျရောစပ်ပြုလုပ်ထားသည့် ရေခဲများကိုသုံး၍ အညစ်အကြေးများနှင့် စွန့်ပစ်ပစ္စည်းများ၏ အနံ့ဆိုးများကို ဖယ်ရှားသန့်စင် နိုင်ပါသည်။

၉။ ကော်ဖီခွက်ဆေးကြောခြင်း

တရုပ်နိုင်ငံထုတ်ကော်ဖီခွက်များတွင် ကြေးညှော်များကပ်တင်ခြင်းကို ရှာလကာရည်နှင့် ဆား အချိုးကျရောစပ်၍ ပွတ်ပေးခြင်းဖြင့် သန့်စင်နိုင်ပါသည်။

[Zawgyi]

သင့္အေနနဲ႔ မီးဖိုေခ်ာင္တြင္း မၾကာခဏသုံးေလ့ရွိတဲ့ ပစၥည္းမ်ားကိုအသုံးျပဳၿပီး အခ်ိန္ကုန္သက္သာေစမည့္ နည္းလမ္းမ်ားကို ျပဳလုပ္သင့္ပါတယ္။

၁။ သစ္သီးေဖ်ာ္စက္ သန႔္ရွင္းေရးျပဳလုပ္နည္း

စာေရးဆရာ Jill Grimes နဲ႔ သမားေတာ္မ်ား အႀကံျပဳထားတဲ့ သစ္သီးေဖ်ာ္စက္သန႔္ရွင္းနည္းကို ေဖာ္ျပခ်င္ပါတယ္။ သစ္သီးေဖ်ာ္စက္ထဲမွ ေဖ်ာ္ရည္ကို ခြက္ထဲသို႔ေလာင္းထည့္ၿပီးပါက ပန္ကန္ေဆးဆပ္ျပာဆီ (၁) စက္ခန႔္နဲ႔ ေရအတန္ငယ္ထည့္ၿပီး မူလစက္ေပၚသို႔ျပန္တင္၍ စကၠန႔္ (၂၀) ခန႔္ေမႊေပးပါ။ ထို႔ေနာက္ ေရေလာင္းခ်ၿပီး သစ္သီးေဖ်ာ္စက္တစ္ခုလုံး သန႔္ရွင္းသြားမွာ ျဖစ္ပါတယ္။

၂။ မိုက္ခ႐ိုေဝ့ဗ္ (အလုံပိတ္မီးဖို) အလြယ္တကူ သန႔္ရွင္းနည္း

မိုက္ခ႐ိုေဝ့ဗ္ (အလုံပိတ္မီးဖို) အလြယ္သန႔္ရွင္းနည္းကေတာ့ မီးဖိုထဲသို႔ ေရစိုစကၠဴ လက္တစ္ဆုပ္စာ ထည့္ၿပီး ၃ မိနစ္မွ ၅ မိနစ္ခန႔္အထိ အပူခ်ိန္အျမင့္ဆုံးနဲ႔ ထားရမွာျဖစ္ပါတယ္။ စကၠဴစမွ ေရေငြ႕မ်ားက ေခ်းေညာ္မ်ားကို ေပ်ာ့ေျပာင္းလာေစမွာျဖစ္ပါတယ္။ ဒါ့အျပင္ စကၠဴစ အေအးခံၿပီးတာနဲ႔ အတြင္းပိုင္းေတြကို သုတ္လို႔ရပါေသးတယ္။

၃။ အနံ႔အခ်ိဳ႕ဖယ္ထုတ္လိုခ်င္တယ္ဆိုရင္ေတာ့ ေရ ၁ ခြက္၊ သံပု႐ိုရည္ ၁/၂ ခြက္တို႔ကို ပန္းကန္လုံးထဲမွာ ေရာစပ္ၿပီး ၃ မိနစ္မွ ၅ မိနစ္ခန႔္အထိ အပူခ်ိန္အျမင့္ဆုံးနဲ႔ ထားရမွာျဖစ္ပါတယ္။ မီးဖိုထဲမွာ ထိုခြက္ကို ဖယ္မထုတ္ခင္ ၅ မိနစ္မွ ၁၀ မိနစ္ခန႔္အထိ မီးဖိုထဲမွာ ဆက္လက္ထားရွိရမွာျဖစ္ပါတယ္။

၄။ ေကာ္ဖီအိုး သန႔္ရွင္းေရးျပဳလုပ္နည္း

ေကာ္ဖီေဖ်ာ္စက္ေတြမွာအသုံးျပဳတဲ့ခြက္ေတြက အခ်ိန္ၾကာလာသည္ႏွင့္အမွ် အညိဳေရာင္ အဖုအပိန႔္ အစက္အေပ်ာက္မ်ား အလြယ္တကူထြက္လာႏိုင္ပါတယ္။ အထူးသျဖင့္ အသုံးမျပဳဘဲ အခ်ိန္ၾကာၾကာထားမိပါက ပို၍ ျဖစ္လြယ္တာကို ေတြ႕ရပါတယ္။ ထိုအကြက္ေတြကို လ်င္လ်င္ျမန္ျမန္ေပ်ာက္ဖို႔ ေရခဲတုံးအနည္းငယ္၊ ဆားနဲ႔ သံပု႐ိုသီးတို႔အသုံးျပဳႏိုင္ပါတယ္။ ပထမဆုံး ေရေႏြးအိုးထဲသို႔ ေရခဲ ေလးပုံတစ္ပုံခန႔္ထည့္ပါ။ သံပ႐ိုသီးအား ေလးစိတ္ကြဲခြဲ၍ ႏွစ္စိတ္ခန႔္ကို အိုးထဲသို႔ ညႇစ္ထည့္ပါ။ ဆားကို စားပြဲတင္ဇြန္းႏွစ္ဇြန္းခန႔္ထည့္ပါ။ ထို႔ေနာက္အိုးထဲရွိ ေဖ်ာ္ရည္ကို ၂ မိနစ္ခန႔္ေမႊေနစဥ္အတြင္း အိုးအတြင္းရွိ အညစ္အေၾကးမ်ား လ်င္လ်င္ျမန္ျမန္ သန႔္ရွင္းသြားသည္ကိုေတြ႕ျမင္ရမွာျဖစ္ပါတယ္။ အညစ္အေၾကးမ်ား သန႔္ရွင္းသြားပါက ေရေလာင္း၍ ေဆးေၾကာႏိုင္ၿပီျဖစ္ပါတယ္။

၅။ သံႂကြပ္ဒယ္အိုးအား သန႔္ရွင္းေရးျပဳလုပ္နည္း

သံႂကြပ္ဒယ္အိုးရဲ႕ ဆီဝေနတဲ့ မ်က္ႏွာျပင္ကိုထိန္းသိမ္းႏိုင္ဖို႔ ဆပ္ျပာဆီ မသုံးရန္ႏွင့္ ပြတ္တိုက္ျခင္းမျပဳလုပ္ရန္ စားဖိုမႈးမ်ားသတိထားေလ့ရွိပါတယ္။ ထိုဒယ္အိုးမ်ားကို သန႔္ရွင္းေရးျပဳလုပ္လိုပါက ဆားကို အသုံးျပဳလို႔ရပါတယ္။ စကၠဴစေပၚတြင္ ဆားအနည္းငယ္ျဖဴးၿပီးဒယ္အိုးမ်က္ႏွာျပင္ကို ပြတ္၍ ေရေဆးျခင္းျဖင့္ သန႔္ရွင္းႏိုင္ပါတယ္။ ထို႔ေနာက္ ဒယ္အိုးမ်က္ႏွာျပင္ကို ဆီျပန္လည္သုတ္ျခင္းျဖင့္ ျပန္လည္ထိန္းသိမ္းႏိုင္ပါတယ္။

၆။ ေကာ္ဖီအမႈန႔္ႀကိတ္စက္အား သန႔္ရွင္းနည္း

သင့္အေနျဖင့္ အမႈန႔္ႀကိတ္စက္အား ေကာ္ဖီေစ့အစား အျခားပစၥည္းမ်ားကို အမႈန႔္ႀကိတ္ေလ့ရွိတယ္ဆိုရင္ျဖင့္မခ်က္ျပဳတ္ရေသးသည့္ ဆန္ေစ့လက္တစ္ဆုပ္စာကို ေကာ္ဖီအေစ့ႀကိတ္စက္ထဲသို႔ထည့္၍ ႀကိတ္ပါက အလြယ္တကူသန႔္ရွင္းေစမွာ ျဖစ္ပါတယ္။င႐ုတ္ေကာင္းမႈန႔္၊ ေလးညႇင့္ပြင့္ စတဲ့ အနံ႔ေတြက အလြယ္တကူ မေပ်ာက္လြယ္တဲ့အတြက္ ေကာ္ဖီကြၽမ္းက်င္သူအခ်ိဳ႕ကေတာ့ ဟင္းခတ္အေမႊးအႀကိဳင္မ်ား ထည့္မႀကိတ္ရန္ အႀကံျပဳၾကပါတယ္။

၇။ဒိန္ခဲျပဳလုပ္သည့္ အပူခံ သံျပားအား သန႔္ရွင္းနည္း

အပူခံျပားရွိ ေသးငယ္သည့္အေပါက္ေလးမ်ားမွ အမႈန္မ်ားကိုလြယ္ကူစြာဖယ္ထုတ္ႏိုင္ရန္ သန႔္ရွင္းသည့္ ဝက္မွင္ဘီး(brush) တစ္ခုထားပါ။၎နည္းကို အသုံးျပဳျခင္းျဖင့္ အပူခံသံျပားႏွစ္ဖက္လုံးကို သိသိသာသာ သန႔္ရွင္းလာေစမွာျဖစ္ပါတယ္။

၈။ အမႈိက္သ႐ိုက္မ်ားကို ပိုးသတ္ျခင္း

ရွာလကာရည္ႏွင့္ ေရ အခ်ိဳးက်ေရာစပ္ျပဳလုပ္ထားသည့္ ေရခဲမ်ားကိုသုံး၍ အညစ္အေၾကးမ်ားႏွင့္ စြန႔္ပစ္ပစၥည္းမ်ား၏ အနံ႔ဆိုးမ်ားကို ဖယ္ရွားသန႔္စင္ ႏိုင္ပါသည္။

၉။ ေကာ္ဖီခြက္ေဆးေၾကာျခင္း

တ႐ုပ္ႏိုင္ငံထုတ္ေကာ္ဖီခြက္မ်ားတြင္ ေၾကးေညႇာ္မ်ားကပ္တင္ျခင္းကို ရွာလကာရည္ႏွင့္ ဆား အခ်ိဳးက်ေရာစပ္၍ ပြတ္ေပးျခင္းျဖင့္ သန႔္စင္ႏိုင္ပါသည္။

Photo Source: Reader’s Digest