ပါဝင်ပစ္စည်းများ (ပွဲ ၂၀ စာ)
- အုန်းနို့ – 600 ml
- နွားနို့ – 1 Liter ( အသင့်ကြိုပြီး )
- သကြား – ၅၀ သား
- ဆား – ၁ ၁/၂ ဇွန်း (လဖက်စားဇွန်း)
- ရေ – ၁၀ ဗူး ( နို့ဆီဗူး)
- တယ်လီဖုံးကျောက်ကျောမှုန့် – ၆ ဇွန်း (စားပွဲတင်ဇွန်း)
- ကြက်ဥ – ၁၆ လုံး
- သံပုရာရည် – ထမင်းစားဇွန်း ၁ ၁/၂
ပြင်ဆင်ပြုလုပ်နည်း
ရေ နှင့်ကျောက်ကျောမှုန့့်ကို ဖျော်ထားပါ။ ကြက်ဥ အနှစ် နှင့် အကာ ခွဲထားပါ ။ အနှစ်ထဲတွင် ရေ ထမင်းစားဇွန်း ၃ ဇွန်းဖြင့် ခလောက်ပါ ။ အကာထဲတွင် သကြား ထမင်းစားဇွန်း ၃ ဇွန်း သံပုရာရည် ထည့်ခေါက်ပါ ။ မွှေထားသည့် အမြုပ်များသည် ခွက်စောင်းလိုက်လျင် ခွက်နှင့်ကပ်နေပါက သုံးလို့ရပါပြီ။
ပထမဆုံး အုန်းနို့၊ နွားနို့၊ သကြား၊ ဆား စသည်တို့ကို အိုးသန့်သန့်ထဲထည့်ကာ မီးအေးအေးဖြင့် အပူပေးပါ။ သကြားပျော်ရုံဆို ရပါပြီ ၊ ဆူရန်မလိုပါ။
ထို့နောက် အသင့်ဖျော်ထားသော ကျောက်ကျောရည် လောင်းထည့်ပါ။ မီးအေးအေးဖြင့် ဆူတဲ့ထိ မွှေကျို ကျိုပါ။ ကျောက်ကျောရည် ဆူလာပါက ၂ အိုး ခွဲထည့်ထားပြီး ၂ အိုးလုံးကို မီးအေးအေးဖြင့် တည်ပါ။ ( ချောကလက် / ကော်ဖီမစ်) ကို ကျောက်ကျောရည် နည်းနည်းထည့် ဖျော်ကာ ဗန်းထဲ ပါးပါးလေး လောင်းထည့်ပြီး ရေခဲသေတ္တာတွင် အအေးခံထားပါ။
ပထမအိုးကို ကြက်ဉအနှစ်ရည် လောင်းထည့်ပြီး အတုံးလိုက် ကျက်မသွားအောင် ၁ မိနစ်ခန့့်မြန်မြန်မွှေပေးပြီး ဗန်းထဲထည့်ကာ အအေးခံပါ ။ အပေါ်ယံအနည်းငယ်တင်းရင် ချောကလက်၊ ကျောက်ကျော ပါးပါးလွှာလေးပါ ထည့်ပါ။
မီးအေးအေးဖြင့် တည်ထားသည့် ဒုတိယအိုးကို အမြုပ်ရအောင် မွှေထားသည့် ကြက်ဥ အကာရည်ကို ကျောက်ကျောထဲ ထည့်ကာ ခပ်ဖွဖွလေး ၂ မိနစ်လောက်မွှေပေးပါ။
ပြီးလျှင် မျက်နှာပြင်တင်းစ ပြုနေသော အနှစ်ရည် ကျောက်ကျောပေါ်သို့ ဇွန်းအကြီးဖြင့် အသာအယာ ဖြန့်ပြီး အအေးခံကာ ရေခဲသေတ္တာထဲ ထည့်ပြီး ချိုအေးမွှေးတဲ့ ကြက်ဥအမြုပ် ကျောက်ကျော ကိုသုံးဆောင်လို့ ရပါပြီ။
Credit: Thi Da
