[Unicode]

အားလုံးပဲမင်္ဂလာပါ။မြန်မာတို့ရဲ့ထမင်းဝိုင်းမှာမပါမဖြစ်တဲ့အရံဟင်းတို့စရာတစ်မျိုးကိုပြောပါဆိုရင် သရက်သီးသနပ်ကို ချန်ထားလို့မရပါဘူး။သရက်သီးသနပ်ဟာ ဟင်းလျာတွေကိုအရသာပိုရှိစေပြီး ထမင်းပိုစာမြိန်စေတဲ့ တို့စရာအချဉ်တစ်မျိုးဖြစ်ပါတယ်။အများစုကတော့ သရက်သီးသနပ်ကို အလွယ်တကူပဲဝယ်စားကြတာဖြစ်ပေမယ့် ဒီတစ်ခေါက်မှာတော့ တာရှည်ခံပစ္စည်းတွေမပါပဲ သဘာဝအတိုင်းအရသာရှိတဲ့ သရက်သီးသနပ်ကို ကိုယ်တိုင်အိမ်မှာပဲပြုလုပ်နိုင်မယ့်နည်းလမ်းလေးပြောပြပေးချင်ပါတယ်။

ပါဝင်ပစ္စည်းများ

  • သရက်သီးစိမ်း ၃ လုံး
  • ငရုပ်သီးအစိမ်းမှုန့် ၃ဇွန်း
  • မဆာလာ ၁ ဇွန်း
  • လေးညှင်းစေ့ ၁ ဇွန်း
  • နနွင်းမှုန့် ၁ ဇွန်း
  • ဇီယာမှုန့် ၁ ဇွန်း
  • ဖာလာစေ့ ၁ ဇွန်း
  • ကြက်သွန်ဖြူ ၅ မွှာ
  • ဆားအနည်းငယ်
  • သကြား ၁ ဇွန်း
  • ဆီ

ပြုလုပ်နည်းအဆင့်ဆင့်

(၁) သရက်သီးစိမ်း၃ လုံးကို ကုဗတုံးပုံသဏ္ဍန် တစ်လက်မခန့် အနေတော်အတုံးလေးတွေ တုံးပါ။ထို့နောက်သရက်သီးတုံးလေးတွေကို ဆားနယ်ပြီး ၃ နာရီခန့် ဆားရေစိမ်ထားပေးရပါမယ်။အချိန်ရရင်ရသလို ၁ ရက်လောက်ဆားရေစိမ်ပေးထားရင် ပိုအရသာကောင်းပါတယ်။သရက်သီးဆားရည်စိမ်ထားတဲ့ အချိန်စေ့ပြီဆိုရင်တော့ သရက်သီးတွေကိုဆယ်ပြီး ဇကာတစ်ခုအတွင်း ရေစစ်ထားပေးပါ။

(၂) ထိုနောက် ဖာလာစေ့ လေးညှင်းစေ့ ဇီယာမှုန့်တို့ကို ကြိတ်စက်ထဲထည့်ကြိတ်ပေးပါ။ဆက်လက်ပြီး ဇလုံတစ်ခုအတွင်း ခုနကကြိတ်ထားတဲ့ ဖာလာ လေးညှင်း ဇီယာ အမှုန့်တို့နဲ့ အတူ မဆာလာ နနွင်းမှုန့် ဆားအနည်းငယ် သကြား တို့ကိုရောထည့် ပြီးသမအောင်မွှေပေးပါ။ပြီးရင်တော့ကြက်သွန်ဖြူကိုလည်း မထူမပါးအလွှာလေးတွေလှီးထားပေးရပါမယ်။

(၃) ထို့နောက် ဇလုံခပ်ကြီးကြီးတစ်ခုအတွင်း သရက်သီးစိမ်းနဲ့ ခုနကရောမွှေထားတဲ့ အရောင်တင်မှုန့်ဟင်းခပ်အမွှေးအကြိုင်တို့ကို ဆီ ၃ ဇွန်းခန့်ထည့်ကာ အရသာဝင်အောင် လက်ဖြင့်ကောင်းစွာဆုပ်ဆုပ်ပြီးနယ်ပေးရပါမယ်။အဆိုပါ နယ်ထားတဲ့ သရက်သီးလေးတွေကို မိနစ်၃၀ ခန့်နှပ်ထားပေးပါ။ပြီးရင်တော့ ဒယ်အိုးတစ်ခုအတွင်း ဆီခပ်များများထည့်ကာ အပူပေးရပါမယ်။

(၄) ဆီဆူလာပြီဆိုရင်တော့ မီးပိတ်ပြီး ခုနကနယ်ထားတဲ့ သရက်သီးတုံးလေးတွေကို ဒယ်အိုးအတွင်းထည့်ပြီး ဆီသပ်ပေးပါ ။ဟင်းခပ်အမွှေးအကြိုင်တွေက တူးလွယ်တဲ့အတွက် မီးပိတ်ဖို့ မမေ့ပါနဲ့။ဆီပူအတွင်းဆီသပ်ပြီး ဟင်းခပ်အမွှေးအကြိုင်အနံ့တွေလည်း မွှေးလာပြီးဆိုရင်တော့ မီးပြန်ဖွင့်ပြီး မီးခပ်အေးအေးဖြင့် ၁ မိနစ်ခန့်ထပ်မံမွှေပြီးဆီသပ်ပေးပါ။ထို့နောက်မီးဖိုပေါ်မှချကာ ဆီသပ်ထားတဲ့သရက်သီးတွေနဲ့အတူ လှီးထားတဲ့ကြက်သွန်ဖြူ လေးတွေကို ရောထည့်မွှေပေးပြီး အအေးခံပေးရပါမယ်။

(၅) ဆီသပ်ထားတဲ့ သရက်သီးလေးတွေအေးသွားပြီဆိုရင်တော့ ပုလင်းတစ်ခုအတွင်း ထည့်ပေးရပါမယ်။ပုလင်းထဲထည့်ရာမှာလည်းလေမခိုအောင် သတိထားပြီး ဖိထည့်ပေးပါ။သရက်သီးအားလုံးထည့်ပြီးပြီဆိုရင်တော့ သရက်သီးမြုပ်သည် အထိဆီသပ်ထားတဲ့ ဆီတွေအားလုံးထည့်ပေးရပါမယ်။ထို့နောက် ပုလင်းသွပ်ထားတဲ့ သရက်သီးသနပ်လေးပုလင်းလေးကို ခြောက်သွေးပြီး စိုထိုင်းမှုမရှိတဲ့နေရာမှာ ၃ ရက်ခန့်ထားပေးပါ။၃ရက်ပြည့်ပြီဆိုရင်တော့ သန့်ရှင်းလတ်ဆတ်ပြီး အရသာရှိတဲ့ သရက်သီးသနပ်လေးကို သုံးဆောင်လို့ရပြီပဲဖြစ်ပါတယ်။

[Zawgyi]

အားလုံးပဲမဂၤလာပါ။ျမန္မာတို႔ရဲ႕ထမင္းဝိုင္းမွာမပါမျဖစ္တဲ့အရံဟင္းတို႔စရာတစ္မ်ိဳးကိုေျပာပါဆိုရင္ သရက္သီးသနပ္ကို ခ်န္ထားလို႔မရပါဘူး။သရက္သီးသနပ္ဟာ ဟင္းလ်ာေတြကိုအရသာပိုရွိေစၿပီး ထမင္းပိုစာၿမိန္ေစတဲ့ တို႔စရာအခ်ဥ္တစ္မ်ိဳးျဖစ္ပါတယ္။အမ်ားစုကေတာ့ သရက္သီးသနပ္ကို အလြယ္တကူပဲဝယ္စားၾကတာျဖစ္ေပမယ့္ ဒီတစ္ေခါက္မွာေတာ့ တာရွည္ခံပစၥည္းေတြမပါပဲ သဘာဝအတိုင္းအရသာရွိတဲ့ သရက္သီးသနပ္ကို ကိုယ္တိုင္အိမ္မွာပဲျပဳလုပ္ႏိုင္မယ့္နည္းလမ္းေလးေျပာျပေပးခ်င္ပါတယ္။

ပါဝင္ပစၥည္းမ်ား

  • သရက္သီးစိမ္း ၃ လုံး
  • င႐ုပ္သီးအစိမ္းမႈန႔္ ၃ဇြန္း
  • မဆာလာ ၁ ဇြန္း
  • ေလးညႇင္းေစ့ ၁ ဇြန္း
  • နႏြင္းမႈန႔္ ၁ ဇြန္း
  • ဇီယာမႈန႔္ ၁ ဇြန္း
  • ဖာလာေစ့ ၁ ဇြန္း
  • ၾကက္သြန္ျဖဴ ၅ မႊာ
  • ဆားအနည္းငယ္
  • သၾကား ၁ ဇြန္း
  • ဆီ

ျပဳလုပ္နည္းအဆင့္ဆင့္

(၁) သရက္သီးစိမ္း၃ လုံးကို ကုဗတုံးပုံသ႑န္ တစ္လက္မခန႔္ အေနေတာ္အတုံးေလးေတြ တုံးပါ။ထို႔ေနာက္သရက္သီးတုံးေလးေတြကို ဆားနယ္ၿပီး ၃ နာရီခန႔္ ဆားေရစိမ္ထားေပးရပါမယ္။အခ်ိန္ရရင္ရသလို ၁ ရက္ေလာက္ဆားေရစိမ္ေပးထားရင္ ပိုအရသာေကာင္းပါတယ္။သရက္သီးဆားရည္စိမ္ထားတဲ့ အခ်ိန္ေစ့ၿပီဆိုရင္ေတာ့ သရက္သီးေတြကိုဆယ္ၿပီး ဇကာတစ္ခုအတြင္း ေရစစ္ထားေပးပါ။

(၂) ထိုေနာက္ ဖာလာေစ့ ေလးညႇင္းေစ့ ဇီယာမႈန႔္တို႔ကို ႀကိတ္စက္ထဲထည့္ႀကိတ္ေပးပါ။ဆက္လက္ၿပီး ဇလုံတစ္ခုအတြင္း ခုနကႀကိတ္ထားတဲ့ ဖာလာ ေလးညႇင္း ဇီယာ အမႈန႔္တို႔နဲ႔ အတူ မဆာလာ နႏြင္းမႈန႔္ ဆားအနည္းငယ္ သၾကား တို႔ကိုေရာထည့္ ၿပီးသမေအာင္ေမႊေပးပါ။ၿပီးရင္ေတာ့ၾကက္သြန္ျဖဴကိုလည္း မထူမပါးအလႊာေလးေတြလွီးထားေပးရပါမယ္။

(၃) ထို႔ေနာက္ ဇလုံခပ္ႀကီးႀကီးတစ္ခုအတြင္း သရက္သီးစိမ္းနဲ႔ ခုနကေရာေမႊထားတဲ့ အေရာင္တင္မႈန႔္ဟင္းခပ္အေမႊးအႀကိဳင္တို႔ကို ဆီ ၃ ဇြန္းခန႔္ထည့္ကာ အရသာဝင္ေအာင္ လက္ျဖင့္ေကာင္းစြာဆုပ္ဆုပ္ၿပီးနယ္ေပးရပါမယ္။အဆိုပါ နယ္ထားတဲ့ သရက္သီးေလးေတြကို မိနစ္၃၀ ခန႔္ႏွပ္ထားေပးပါ။ၿပီးရင္ေတာ့ ဒယ္အိုးတစ္ခုအတြင္း ဆီခပ္မ်ားမ်ားထည့္ကာ အပူေပးရပါမယ္။

(၄) ဆီဆူလာၿပီဆိုရင္ေတာ့ မီးပိတ္ၿပီး ခုနကနယ္ထားတဲ့ သရက္သီးတုံးေလးေတြကို ဒယ္အိုးအတြင္းထည့္ၿပီး ဆီသပ္ေပးပါ ။ဟင္းခပ္အေမႊးအႀကိဳင္ေတြက တူးလြယ္တဲ့အတြက္ မီးပိတ္ဖို႔ မေမ့ပါနဲ႔။ဆီပူအတြင္းဆီသပ္ၿပီး ဟင္းခပ္အေမႊးအႀကိဳင္အနံ႔ေတြလည္း ေမႊးလာၿပီးဆိုရင္ေတာ့ မီးျပန္ဖြင့္ၿပီး မီးခပ္ေအးေအးျဖင့္ ၁ မိနစ္ခန႔္ထပ္မံေမႊၿပီးဆီသပ္ေပးပါ။ထို႔ေနာက္မီးဖိုေပၚမွခ်ကာ ဆီသပ္ထားတဲ့သရက္သီးေတြနဲ႔အတူ လွီးထားတဲ့ၾကက္သြန္ျဖဴ ေလးေတြကို ေရာထည့္ေမႊေပးၿပီး အေအးခံေပးရပါမယ္။

(၅) ဆီသပ္ထားတဲ့ သရက္သီးေလးေတြေအးသြားၿပီဆိုရင္ေတာ့ ပုလင္းတစ္ခုအတြင္း ထည့္ေပးရပါမယ္။ပုလင္းထဲထည့္ရာမွာလည္းေလမခိုေအာင္ သတိထားၿပီး ဖိထည့္ေပးပါ။သရက္သီးအားလုံးထည့္ၿပီးၿပီဆိုရင္ေတာ့ သရက္သီးျမဳပ္သည္ အထိဆီသပ္ထားတဲ့ ဆီေတြအားလုံးထည့္ေပးရပါမယ္။ထို႔ေနာက္ ပုလင္းသြပ္ထားတဲ့ သရက္သီးသနပ္ေလးပုလင္းေလးကို ေျခာက္ေသြးၿပီး စိုထိုင္းမႈမရွိတဲ့ေနရာမွာ ၃ ရက္ခန႔္ထားေပးပါ။၃ရက္ျပည့္ၿပီဆိုရင္ေတာ့ သန႔္ရွင္းလတ္ဆတ္ၿပီး အရသာရွိတဲ့ သရက္သီးသနပ္ေလးကို သုံးေဆာင္လို႔ရၿပီပဲျဖစ္ပါတယ္။

Source : Indianhealthyrecipes