အိမ်တစ်အိမ်မှာ အခြေခံ လိုအပ်ချက်အနေနဲ့ မရှိမဖြစ်က မီးဖိုပါ။ နေရာဒေသနဲ့ စီးပွားရေး အခြေအနေတွေပေါ် မူတည်ပြီး အသုံးပြုပုံ ကွာခြားသွားတာမျိုးတွေပဲ ရှိပါတယ်။ အိမ်တိုင်းမှာတော့ ချက်ပြုတ်ဖို့ မီးဖို ရှိကြပါတယ်။ တိုးတက်ပြီး နိုင်ငံတွေမှာတော့ ခေတ်နဲ့ အလိုက် တီထွင်ပြီး ထုတ်လုပ်တဲ့ မီးဖိုတွေကို သုံးကြပေမယ့် မြန်မာနိုင်ငံ အပါအဝင် အာရှနိုင်ငံအတော်များများကတော့ ယေဘုယျသုံးနေတဲ့ မီးဖို အမျိုးအစားတွေကတော့
အများကြီး မရှိပါဘူး။
၁။ ထင်းမီးဖို
လျှပ်စစ်မီး မရနိုင်သေးတဲ့ နေရာတွေမှာ အသုံးပြုနေကြပါသေးတယ်။ မြန်မာနိုင်ငံမှာတော့ အချို့နယ်တွေဖက်မှာ သုံးနေကြဆဲပါ။ မြို့ပေါ်မှာတော့ လမ်းဘေးဆိုင် အချို့မှာ အသုံးပြုနေကြဆဲပါ။ ဥပမာ အကြော်ဆိုင် တွေမှာပါ။ အာရှနိုင်ငံတော်တော်များများမှာလည်း အသုံးပြုနေကြဆဲပါ။ မီးဖိုပုံစံတော့ ကွဲပြားပါတယ်။
၂။ မီးသွေးမီးဖို
ထင်းနေရာမှာ မီးသွေးကို သုံးတာပါ။ မီးသွေးတောင့်လို့ ခေါ်တဲ့ အခဲလိုက်တွေကိုလည်း သုံးကြပါတယ်။ လက်ဖက်ရည်ဆိုင်တွေမှာ အသုံးပြုနေဆဲပါ။ အချို့နေရာတွေမှာ စပါးကြိတ်ရာကနေ ထွက်လာတဲ့ စပါးခွံကို အသုံးပြုပြီး ဖွဲမီးဖိုတွေကို
အသုံးပြုကြပါသေးတယ်။ မီးဖိုကို ရွံ့စေးနဲ့ လုပ်ထားတာ ဖြစ်ပြီး တောရွာတွေမှာ သုံးကြပါတယ်။
၃။ ဂက်စ်မီးဖို
ကမ္ဘာတစ်ဝှမ်း အသုံးများပြီး မြန်မာနိုင်ငံမှာလည်း သုံးကြပါတယ်။ မီးမရတဲ့ နေ့တွေမှာ ချက်တာ မြန်စေဖို့ အတွက် ဂက်စ်မီးဖိုကို သုံးကြပါတယ်။ စားသောက်ဆိုင်တွေမှာ အသုံးများပြီး အိုးအကြီး အိုးအသေး ပုံစံတွေ ကွဲသွားပါတယ်။ မီးဖို ပုံစံတွေကလည်း အမျိုးမျိုး ရှိပါတယ်။
၄။ လျှပ်စစ် မီးဖို
လျှပ်စစ် မီးဖိုတွေမှာ အမျိုးမျိုး ရှိလာပါတယ်။ ပလပ်ထိုးပြီး တည်ရတာချင်းတော့ တူပေမယ့် ပုံစံတွေ ခံနိုင်ဝန်အားတွေနဲ့ ကွဲပြားပြီး ပုံစံမျိုးစုံ ရှိလာပါတယ်။ အခုနောက်ပိုင်း အသုံးများလာတာကတော့ ဒစ်ဂျစ်တယ် မီးဖိုပါ။ မီတာစား သက်သာပြီး ချက်ရတာ မြန်တဲ့ အတွက် အသုံးများကြပါတယ်။
၅။ Rice Cooker
လျှပ်စစ်မီးရတဲ့ နေရာတွေမှာ အသုံးများပါတယ်။ အထူးသဖြင့် ထမင်းနဲ့ ဆန်ပြုတ်တို့ ချက်ရာမှာ သုံးကြပါတယ်။ ပုံစံမျိုးစုံရှိပြီး ဂျပန်ပစ္စည်းတွေကို အသုံးများကြပါတယ်။
၆။ Slow Cooker
Rice Cooker ပုံစံမျိုးပါ။ Timer ပါပြီး ဝက်လက်ပေါင်းတို့ စတူးတို့ ချက်ရာမှာ သုံးကြပါတယ်။ လျှပ်စစ်နဲ့ တွဲသုံးရတာမို့ မြို့ပြတွေမှာ အသုံးများပါတယ်။
ချက်ပြုတ်တဲ့ အခါ အသုံးပြုတဲ့ မီးဖိုတွေကတော့ အများကြီး ရှိပေမယ့် အာရှနိုင်ငံတွေမှာတော့ ဒီမီးဖိုတွေက အသုံးများပါတယ်။
Ref: wiki
